അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പാലക്കാട്: സിനിമയില്‍ അഭിനയിക്കാൻ അവസരം വാഗ്ദാനം നല്‍കി പതിന്നാലുകാരിയെ വിവിധയിടങ്ങളിൽ എത്തിച്ച് ലൈംഗികമായി പീഡിപ്പിച്ചെന്ന പരാതിയില്‍ കോഴിക്കോട് സ്വദേശിയെ പോലീസ് പിടികൂടി.
കോഴിക്കോട് ചാത്തമംഗലം ചൂലൂര്‍ പുത്തന്‍പറമ്പത്ത് വീട്ടില്‍ വിനോദ്കുമാറിനെയാണ് (52) പാലക്കാട് നോര്‍ത്ത് പോലീസ് അറസ്റ്റുചെയ്തത്.
സിനിമയില്‍ അസി. ഡയറക്ടറാണെന്നും സിനിമയിലെ ഉന്നതരുമായി ബന്ധം ഉണ്ടെന്നും പറഞ്ഞാണ് കുട്ടിയെ പ്രതി കൂട്ടിക്കൊണ്ടുപോയത്. ഫോണ്‍, വസ്ത്രങ്ങള്‍ എന്നിവയും വാങ്ങിനല്‍കി വിവിധ സ്ഥലങ്ങളിലെത്തിച്ച് പീഡനത്തിനിരയാക്കുകയായിരുന്നു. മൂന്നാറില്‍ സ്വന്തമായി റിസോര്‍ട്ടുള്ളതായും ഇയാള്‍ കുട്ടിയെ വിശ്വസിപ്പിച്ചിരുന്നു.
ചൈല്‍ഡ് വെല്‍ഫെയര്‍ കമ്മിറ്റിയില്‍നിന്ന് ലഭിച്ച വിവരത്തിന്റെ അടിസ്ഥാനത്തില്‍ പാലക്കാട് നോര്‍ത്ത് പോലീസ് രജിസ്റ്റര്‍ചെയ്ത കേസിലാണ് പ്രതിയെ പോലീസ് അറസ്റ്റ് ചെയ്തത്.
