അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
നിലമ്പൂർ: തട്ടിയേക്കലിൽ വാടക ക്വാർട്ടേഴ്സിൽ നിന്നും കഞ്ചാവ് പിടിച്ചെടുത്ത സംഭവുമായി ബന്ധപ്പെട്ട് ഓടി രക്ഷപ്പെടാൻ ശ്രമിച്ച പ്രതിയെ പൊലീസ് പിടികൂടി. പൂക്കോട്ടുംപാടം ഉപ്പുവള്ളി സ്വദേശി പുന്നക്കാടൻ ഷിഹാബുദ്ദീനാണ് അറസ്റ്റിലായത്. ഫെബ്രുവരി 17ന് ഒന്നര കിലോ കഞ്ചാവുമായി കാളികാവ് പുറ്റം കുന്ന് സ്വദേശി കുഴിമട്ടിക്കളത്തിൽ മുഹമ്മദാലിയെ പൊലീസ് അറസ്റ്റ് ചെയ്തിരുന്നു.
സംഭവ നടന്ന സമയം ഓടി രക്ഷപ്പെട്ട ഷിഹാബുദ്ദീൻ ചോക്കാട് മലയോര മേഖലയോടു ചേർന്നുള്ള തോട്ടത്തിൽ ഒളിവിൽ കഴിഞ്ഞുവരവെയാണ് അറസ്റ്റിലായത്. 10 കിലോ കഞ്ചാവ് കൈവശം വച്ചതിന് അടുത്തിടെ ജാമ്യത്തിലിറങ്ങിയതാണ് ഷിഹാബുദ്ദീൻ. പൂക്കോട്ടുംപാടം ടൗണിൽ ഷിഹാബുദ്ദീൻ നടത്തുന്ന ഹോട്ടലിന്റെ മറവിൽ തന്നെയായിരുന്നു ഇവർ കഞ്ചാവ് കച്ചവടം നടത്തി വന്നത്.
