അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പ്രമുഖ സ്മാർട്ട് ഫോൺ ബ്രാൻഡായ റിയല്‍മീയുടെ വിലകുറഞ്ഞ സ്മാര്‍ട്ട്ഫോണ്‍ ശ്രേണിയാണ് റിയല്‍മി സി സീരിസ് . ഇതിലെ ഏറ്റവും പുതിയ സ്മാര്‍ട്ട്ഫോണ്‍ റിയല്‍മീ സി35 മാര്‍ച്ച് ഏഴിന് പുറത്തിറക്കും എന്നാണ് റിയല്‍മി ഇപ്പോൾ അറിയിച്ചിരിക്കുന്നത്. മാര്‍ച്ച് 7ന് ഫ്ലിപ്പ്കാര്‍ട്ട് വഴിയായിരിക്കും ഈ ഫോണ്‍ പുറത്തിറങ്ങുക. സി35 ഏറ്റവും പുതിയ ഡിസൈനും, പുത്തന്‍ ഡിസ്പ്ലേയിലുമാണ് ഇറങ്ങുന്നത്. കൂടിയ ബാറ്ററിയും, കരുത്തുറ്റ പ്രകടനവും, കൃത്യതയാര്‍ന്ന ക്യാമറ പ്രകടനവും ഈ ഫോണ്‍ നല്‍കും എന്നാണ് റിയല്‍മി അറിയിച്ചിരിക്കുന്നത്.
50 എംപി എഐ ട്രിപ്പിള്‍ ക്യാമറ സെറ്റപ്പാണ് ഈ ഫോണിന് പിന്നില്‍ ഉണ്ടാകുക. സി സീരിസിലെ ആദ്യത്തെ 6.6 ഇഞ്ച് എഫ്എച്ച്ഡി സ്ക്രീനോടെയാണ് ഈ ഫോണ്‍ എത്തുക. ഏറ്റവും നേരിയതും, ഏറ്റവും ഭാരക്കുറവും ഉള്ള സി സീരിസ് ഫോണായിരിക്കും ഇത്- ഇതൊക്കെയാണ് റിയല്‍മി അവകാശവാദം.
ആന്‍ഡ്രോയ്ഡ് 11 ഓപ്പറേറ്റിംഗ് സിസ്റ്റമായിരിക്കും ഈ ഫോണിന് ഉണ്ടാകുക. 4,500 എംഎഎച്ച് ബാറ്ററി ശേഷിയാണ് ഈ ഫോണിന് . 18W ചാര്‍ജര്‍ ഫോണിനൊപ്പം ബോക്സില്‍ റിയല്‍മി സി35 നല്‍കുന്നു. 3.5 എംഎം ഓഡിയോ ജാക്ക് ഈ ഫോണിന് ഉണ്ട്.എന്നതും ഒരു പ്രത്യകതയാണ്.
