ഷെ​യ്ൻ വോണും നൂറ്റാണ്ടിന്‍റെ പന്തും..!!

സി​ഡ്നി: ക്രി​ക്ക​റ്റി​ലെ സ്പിന്‍ മാന്ത്രികന്‍  ഷെ​യ്ൻ വോ​ണി​ന്‍റെ മരണത്തിന്‍റെ ഞെട്ടലിലാണ് കായികലോകം. ക്രി​ക്ക​റ്റ് ഇ​തി​ഹാ​സ​ങ്ങ​ളി​ൽ ഒ​രാ​ളാ​യ വോ​ണി​ന്‍റെ വേ​ർ​പാ​ട് തീ​രാ​ന​ഷ്ട​മാ​ണ്.

1992ൽ ​ഇ​ന്ത്യ​ക്കെ​തി​രേ അ​ര​ങ്ങേ​റി​യ വോ​ണ്‍ ആ​ദ്യ​ടെ​സ്റ്റി​ൽ നേ​ടി​യ​ത് ഒ​രു വി​ക്ക​റ്റ് മാ​ത്ര​മാ​ണ്. അ​തും 150 റ​ണ്‍​സ് വ​ഴ​ങ്ങി. എ​ന്നാ​ൽ, 18 മാ​സ​ങ്ങ​ൾ​ക്കു​ശേ​ഷം നൂ​റ്റാ​ണ്ടി​ന്‍റെ പ​ന്തെ​റി​ഞ്ഞു​കൊ​ണ്ട് ആ​രാ​ധ​ക​രെ വോണ്‍ ഞെട്ടിച്ചു.

1993 ആ​ഷ​സ് പ​ര​ന്പ​ര​യി​ൽ ഇം​ഗ്ല​ണ്ടി​ന്‍റെ മൈ​ക്ക് ഗാ​റ്റിം​ഗി​നെ​തി​രേ ഓ​ൾ​ഡ് ട്രാ​ഫോ​ർ​ഡി​ലാ​യി​രു​ന്നു അ​ത്. ഇംഗ്ലണ്ടിന്റെ വലങ്കയ്യൻ ബാറ്റർ മൈക് ഗാറ്റിങ്ങായിരുന്നു സ്‌ട്രൈക്കിൽ. ലെ​ഗ്സ്റ്റം​പി​നു പു​റ​ത്ത് ഇ​ഞ്ചു​ക​ൾ മാ​റി പി​ച്ചു​ചെ​യ്ത പ​ന്ത് അ​സാ​ധാ​ര​ണ​മാം​വി​ധം തി​രി​ഞ്ഞ് ഗാ​റ്റിം​ഗി​ന്‍റെ ഓ​ഫ് സ്റ്റം​പ് തെ​റി​പ്പി​ച്ചു. ഗാറ്റിങ് വിശ്വസിക്കാനാകാതെ പിച്ചിലേക്കു തന്നെ നോക്കി പകച്ചുനിന്നു. ഗാറ്റിങ് മാത്രമല്ല, ഫീൽഡിലുണ്ടായിരുന്ന വോണിന്റെ സഹതാരങ്ങൾക്കു പോലും ആ നിമിഷം വിശ്വസിക്കാനായില്ല.

ലോകത്തെ അമ്പരിപ്പിച്ച ആ ഡെലിവറി പിന്നീട് ‘നൂറ്റാണ്ടിന്റെ പന്ത്’ എന്ന് അറിയപ്പെട്ടു. ആ ഒരൊറ്റ പന്തിലൂടെ ലോകത്തിലെ മുൻനിര സ്പിന്നർമാരുടെ കൂട്ടത്തിലേക്ക് നടന്നുകയറുകയായിരുന്നു ഷെയ്ൻ വോൺ.  

15 വ​ർ​ഷം നീ​ണ്ട ടെ​സ്റ്റ് ക​രി​യ​റി​ൽ 145 മ​ത്സ​രം ക​ളി​ച്ച വോ​ണ്‍ 708 വി​ക്ക​റ്റു​ക​ളാ​ണ് വാ​രി​ക്കൂ​ട്ടി​യ​ത്.  194 ഏ​ക​ദി​ന​ങ്ങ​ളി​ൽ​നി​ന്ന് 293 വി​ക്ക​റ്റും വോ​ണ്‍ സ്വ​ന്തം പേ​രി​ലാ​ക്കി​യി​ട്ടു​ണ്ട്. 2006 ൽ ​ഇം​ഗ്ല​ണ്ടി​നെ​തി​രേ നാ​ട്ടി​ൽ ന​ട​ന്ന ആ​ഷ​സ് പ​ര​ന്പ​ര​യോ​ടെ​യാ​ണ് വോ​ണ്‍ ക്രി​ക്ക​റ്റി​ൽ​നി​ന്നു വി​ര​മി​ച്ച​ത്. പ്ര​ശ​സ്ത​മാ​യ സി​ഡ്നി ക്രി​ക്ക​റ്റ് ഗ്രൗ​ണ്ടി​ൽ ന​ട​ന്ന ടെ​സ്റ്റി​ൽ കെ​വി​ൻ പീ​റ്റേ​ഴ്സ​ന്‍റെ അ​ട​ക്ക​മു​ള്ള നി​ർ​ണാ​യ​ക വി​ക്ക​റ്റു​ക​ൾ നേ​ടി​യാ​ണ് വോ​ണ്‍ മ​ത്സ​രം അ​വ​സാ​നി​പ്പി​ച്ച​ത്. ആ​ൻ​ഡ്രൂ ഫ്ളി​ന്േ‍​റാ​ഫാ​ണ് ടെ​സ്റ്റി​ൽ വോ​ണി​ന്‍റെ അ​വ​സാ​ന ഇ​ര.
 
ഇ​ന്ത്യ​ൻ പ്രീ​മി​യ​ർ ലീ​ഗ് തു​ട​ങ്ങി​യ​പ്പോ​ൾ മു​ത​ൽ രാ​ജ​സ്ഥാ​ൻ റോ​യ​ൽ​സി​ന്‍റെ നാ​യ​ക​നും പ​രി​ശീ​ല​ക​നു​മാ​യ വോ​ണ്‍ നാ​ലു സീ​സ​ണു​ക​ൾ പൂ​ർ​ത്തി​യാ​ക്കി​യാ​ണ് വി​ര​മി​ച്ച​ത്. റോ​യ​ൽ​സി​ന് ആ​ദ്യ വ​ർ​ഷ​ത്തെ കി​രീ​ടം നേ​ടി​ക്കൊ​ടു​ക്കാ​നും വോ​ണി​നും ക​ഴി​ഞ്ഞു.  

ഐ.പി.എല്ലില്‍ നിന്നും വിട്ട ശേഷം ഓസ്‌ട്രേലിയന്‍ ബിഗ് ബാഷ് ലീഗില്‍ സജീവമായിരുന്ന വോണ്‍ 2013 ജനുവരി 16 ന് ക്രിക്കറ്റിന്റെ എല്ലാ ഫോര്‍മാറ്റില്‍ നിന്നും വിരമിച്ചു. പിന്നീട് ക്രിക്കറ്റ് നിരീക്ഷകനായും കമന്റേറ്ററായും ആരാധകര്‍ക്കിടയില്‍ സജീവമായി. അതിനിടയില്‍ 2015-ല്‍ ഓള്‍ സ്റ്റാഴ്‌സ് ക്രിക്കറ്റ് സീരിസിലും കളിച്ചു.

അന്ന് വോണിന്റെ നേതൃത്വത്തിലുള്ള വോണ്‍ വാരിയേഴ്‌സ് സച്ചിന്റെ ടീമായ സച്ചിന്‍സ് ബ്ലാസ്‌റ്റേഴ്‌സുമായി ഏറ്റുമുട്ടിയിരുന്നു. സീരിസില്‍ വോണിന്റെ ടീമാണ് കിരീടം നേടിയത്.

വോണിന്റെ ചില റെക്കോഡുകള്‍

-ഏകദിനത്തില്‍ തുടര്‍ച്ചയായി മൂന്ന് മത്സരങ്ങളില്‍ നാല് വിക്കറ്റ് വീഴ്ത്തിയ താരം

-ഒരു സെഞ്ചുറി പോലുമില്ലാതെ ടെസ്റ്റില്‍ ഏറ്റവുമധികം റണ്‍സെടുത്ത താരം

-ഒരു കലണ്ടര്‍ വര്‍ഷത്തില്‍ ടെസ്റ്റില്‍ ഏറ്റവുമധികം വിക്കറ്റ് വീഴ്ത്തിയ താരം