അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അഡ്‌ലെയ്ഡ്: പ്രമുഖ മുന്‍ ഓസ്‌ട്രേലിയന്‍ ക്രിക്കറ്റ് താരം റോഡ് മാര്‍ഷ് നിര്യാതനായി. അഡ്‌ലെയ്ഡില്‍ ഹൃദയാഘാതത്തെ തുടര്‍ന്നായിരുന്നു 74കാരന് അന്ത്യം സംഭവിച്ചത്. 1970 മുതല്‍ 84 വരെ ടെസ്റ്റുകള്‍ കളിച്ചിട്ടുണ്ട്് മുന്‍ വിക്കറ്റ് കീപ്പര്‍. 92 ഏകദിന മത്സരങ്ങളിലും അദ്ദേഹം ഓസ്‌ട്രേലിയന്‍ ജേഴ്‌സിയണിയുകയായിരിന്നു.
355 എതിര്‍ താരങ്ങളെ പുറത്താക്കുന്നതില്‍ അദ്ദേഹം പങ്ക് വഹിക്കുകയും ചെയ്തു. ഇതില്‍ 95ഉം ഡെന്നിസ് ലില്ലിയുടെ പന്തുകളിലായിരുന്നു. രണ്ടുപേരും തമ്മിലുള്ള കൂട്ടുക്കെട്ട് അക്കാലത്ത് ചര്‍ച്ചയായിരുന്നു. ഇടങ്കയ്യനായിരുന്നു മാര്‍ഷ് ഓസ്‌ട്രേലിയക്ക് വേണ്ടി ടെസ്റ്റ് സെഞ്ചുറി നേടുത്ത ആദ്യ വിക്കറ്റ് കീപ്പറാണ്.
ഒന്നാകെ മൂന്ന് സെഞ്ചുറികളാണ് മാര്‍ഷ് നേടിയത്. വിരമിച്ച ശേഷം ഓസ്‌ട്രേലിയയിലും ഇംഗ്ലണ്ടിലും അദ്ദേഹം ക്രിക്കറ്റ് അക്കാദമികളുടെ തലവനായും അദ്ദേഹം പ്രവര്‍ത്തിക്കുകയും ചെയ്തു. ദുബായില്‍ ഇന്റര്‍നാഷണല്‍ ക്രിക്കറ്റ് കൗണ്‍സിലിന്റെ ലോക കോച്ചിംഗ് അക്കാദമിയുടെ ആദ്യ കോച്ചും അദ്ദേഹമായിരിന്നു.
