നഷ്ടപ്പെടാനുള്ളത് സ്വാതന്ത്ര്യംമാത്രം, തകർത്തവയെല്ലാം പുനർനിർമിക്കും; പ​ക​രം​വീ​ട്ടു​മെ​ന്ന് യു​ക്രെ​യ്ൻ പ്ര​സി​ഡ​ന്‍റ്

കീ​വ്: സ്വാ​ത​ന്ത്ര്യ​മ​ല്ലാ​തെ മ​റ്റൊ​ന്നും ത​ങ്ങ​ൾ​ക്ക് ന​ഷ്ട​പ്പെ​ടാ​നി​ല്ലെ​ന്ന് യു​ക്രെ​യ്ൻ പ്ര​സി​ഡ​ന്‍റ് വോ​ളോ​ഡി​മി​ർ സെ​ലെ​ൻ​സ്കി. യു​ക്രെ​യ്ൻ പി​ടി​ച്ചെ​ടു​ക്കാ​ൻ ശ്ര​മി​ച്ചാ​ൽ റ​ഷ്യ വ​ലി​യ വി​ല​ന​ൽ​കേ​ണ്ടി​വ​രു​മെ​ന്നും സെ​ല​ൻ​സ്കി മു​ന്ന​റി​യി​പ്പ് ന​ൽ​കി. യുദ്ധത്തിനു ശേഷം യുക്രൈന്റെ പുനര്‍നിര്‍മാണത്തിനു വേണ്ടി താന്‍ പ്രവര്‍ത്തിക്കുമെന്നും അദ്ദേഹം കൂട്ടിച്ചേര്‍ത്തു. 

“നി​ങ്ങ​ൾ ത​ക​ർ​ക്കു​ന്ന ഓ​രോ പാ​ല​ങ്ങ​ളും റോ​ഡു​ക​ളും പു​ന​ർ​നി​ർ​മി​ക്കും. ഓ​രോ വീ​ടും എ​ല്ലാ തെ​രു​വു​ക​ളും എ​ല്ലാ ന​ഗ​ര​ങ്ങ​ളും പു​നഃ​സ്ഥാ​പി​ക്കും. റ​ഷ്യ​യോ​ട് പ​റ​യു​ന്നു- ന​ഷ്ട​പ​രി​ഹാ​രം, ഓ​ഹ​രി എ​ന്നീ വാ​ക്കു​ക​ൾ ഓ​ർ​ത്തു​വ​യ്ക്കു​ക.

ഈ ​രാ​ജ്യ​ത്തി​നെ​തി​രാ​യി, ഓ​രോ യു​ക്രെ​യ്ൻ പൗ​ര​ന്മാ​ർ​ക്കെ​തി​രാ​യി ചെ​യ്ത എ​ല്ലാ​ത്തി​നും അ​തേ നാ​ണ​യ​ത്തി​ൽ പ​ക​രം ചെ​യ്യും. റ​ഷ്യ​ൻ സൈ​ന്യം യു​ക്രെ​യ്നെ പൂ​ർ​ണ​മാ​യും പി​ടി​ച്ചെ​ടു​ത്താ​ൽ അ​ടു​ത്ത പ്ര​തി​രോ​ധ ഘ​ട്ടം ആ​രം​ഭി​ക്കും. ഞ​ങ്ങ​ൾ​ക്ക് ഒ​ന്നും ന​ഷ്ട​പ്പെ​ടാ​നി​ല്ല, സ്വാ​ത​ന്ത്ര്യ​മ​ല്ലാ​തെ”-​അ​ദ്ദേ​ഹം പ​റ​ഞ്ഞു. 

റഷ്യയുടെ അധിനിവേശത്തിനെതിരായ രാജ്യത്തിന്റെ വീരോചിത ചെറുത്തുനില്‍പ്പില്‍ താന്‍ അഭിമാനിക്കുന്നുവെന്ന് സെലെന്‍സ്‌കി നേരത്തെ പറഞ്ഞിരുന്നു. റഷ്യയുടെ തന്ത്രങ്ങളെ രാജ്യം പരാജയപ്പെടുത്തിയെന്നും നഗരങ്ങളില്‍ നിന്ന് അവരെ തുരത്തുന്ന യുക്രൈന്‍ ജനതയെ ആത്മാര്‍ത്ഥമായി അഭിനന്ദിക്കുന്നുവെന്നും സെലെന്‍സ്‌കി പറഞ്ഞു.

യുക്രൈനില്‍ നിന്ന് കടുത്ത തിരിച്ചടി ലഭിക്കുമെന്ന് ഓരോ കടന്നുകയറ്റക്കാരും അറിഞ്ഞിരിക്കണമെന്നും സെലെന്‍സ്‌കി പറഞ്ഞു. ഞങ്ങള്‍ തോറ്റുകൊടുക്കില്ലെന്ന് അവര്‍ എല്ലാക്കാലവും ഓര്‍മിക്കും. ഒരാഴ്ചയ്ക്കിടെ 9,000 റഷ്യന്‍ സൈനികര്‍ കൊല്ലപ്പെട്ടതായി പ്രസിഡന്റ് അവകാശപ്പെട്ടു. ഇതിനിടെ ആക്രമണം ആരംഭിച്ചതിന് ശേഷം തങ്ങളുടെ 498 സൈനികര്‍ കൊല്ലപ്പെട്ടതായി റഷ്യ അറിയിച്ചു.