അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊച്ചി: വിവാഹാഭ്യർഥന നിരസിച്ച യുവതിയെ കൊലപ്പെടുത്തുമെന്ന് ഭീഷണിപ്പെടുത്തിയ സംഭവത്തിൽ കാപ്പ കേസ് പ്രതി പോലീസ് പിടിയിൽ. കടവന്ത്ര ഉദയ കോളനിയിൽ വീട്ടുനമ്പർ 91-ൽ മഹേന്ദ്രനെയാണ് കടവന്ത്ര പൊലീസ് അറസ്റ്റ് ചെയ്തത്.
ചൊവ്വാഴ്ച രാത്രി 10.30-നാണ് കേസിനാസ്പദമായ സംഭവം നടന്നത്. എളംകുളം സ്വദേശിയായ യുവതിയെയാണ് ഇയാൾ വീട്ടിലെത്തി ഭീഷണിപ്പെടുത്തിയത്. ആസിഡ് ഒഴിച്ച് കൊലപ്പെടുത്തുമെന്നായിരുന്നു ഭീഷണി.യുവതിയുടെ പിതാവിനെയും പ്രതി അസഭ്യം പറഞ്ഞു. തുടർന്ന് വീട്ടിലേക്ക് അതിക്രമിച്ച് കയറാൻ ശ്രമിച്ചത് തടഞ്ഞതോടെ ആസിഡൊഴിച്ച് കൊലപ്പെടുത്തുമെന്ന് ഭീഷണി മുഴക്കുകയായിരുന്നു.
പ്രതിയെ കോടതിയിൽ ഹാജരാക്കി.
