ഇ​ട​തു​മു​ന്ന​ണി വി​പു​ലീ​ക​രി​ക്കേ​ണ്ട സാ​ഹ​ച​ര്യം നി​ല​വി​ലില്ല; പാ​ര്‍​ട്ടി അം​ഗ​ങ്ങ​ളു​ടെ എ​ണ്ണം കൂ​ട്ടു​ക​യാ​ണ് ല​ക്ഷ്യം: കോ​ടി​യേ​രി

കൊ​ച്ചി: ഇ​ട​തു​മു​ന്ന​ണി വി​പു​ലീ​ക​രി​ക്കേ​ണ്ട സാ​ഹ​ച​ര്യം നി​ല​വി​ലി​ല്ലെ​ന്നും മു​ന്ന​ണി​യി​ലേ​ക്കു കൊ​ണ്ടു​വ​രാ​ന്‍ പ​റ്റി​യ ക​ക്ഷി​ക​ള്‍ ഇ​ല്ലെ​ന്നും സി​പി​എം സം​സ്ഥാ​ന സെ​ക്ര​ട്ട​റി കോ​ടി​യേ​രി ബാ​ല​കൃ​ഷ്ണ​ന്‍. മു​സ്ലിം ​ലീ​ഗു​മാ​യി ഒ​രു കൂ​ട്ടു​കെ​ട്ട് ആ​ഗ്ര​ഹി​ക്കു​ന്നി​ല്ല. അ​തേ​സ​മ​യം സ​മ​സ്ത​യു​മാ​യി സ​ഹ​ക​രി​ക്കു​ന്ന​തി​ല്‍ വൈ​മ​ന​സ്യം ഇ​ല്ലെ​ന്നും അ​ദ്ദേ​ഹം പ​റ​ഞ്ഞു.

സി​പി​എം സം​സ്ഥാ​ന സ​മ്മേ​ള​ന​ത്തി​ന്‍റെ ആ​ദ്യ​ദി​ന​ത്തിൽ പ്ര​വ​ര്‍​ത്ത​ന റി​പ്പോ​ര്‍​ട്ട് അ​വ​ത​ര​ണ​ത്തി​നു​ശേ​ഷം മാ​ധ്യ​മ​ങ്ങ​ളോ​ടു സം​സാ​രി​ക്കു​ക​യാ​യി​രു​ന്നു കോ​ടി​യേ​രി. മു​ന്ന​ണി വി​പു​ലീ​ക​ര​ണ​ത്തി​ലു​പ​രി പാ​ര്‍​ട്ടി അം​ഗ​ങ്ങ​ളു​ടെ എ​ണ്ണം കൂ​ട്ടു​ക​യാ​ണ് അ​ടു​ത്ത ല​ക്ഷ്യം. ലോക്‌സഭാ തിരഞ്ഞെടുപ്പിൽ ബിജെപിയെ പുറത്താക്കാൻ സാധിക്കണമെങ്കിൽ ഇടതുപക്ഷ ജനാധിപത്യ ശക്തികളുടെ അംഗബലം വർധിക്കണമെന്നും കേരളത്തിന് ഇക്കാര്യത്തിൽ നിർണായക സംഭാവന ചെയ്യാൻ കഴിയുമെന്നും കോടിയേരി പറഞ്ഞു. 

ഐ​എ​ന്‍​എ​ല്‍ ഇ​പ്പോ​ള്‍ മു​ന്ന​ണി​യു​ടെ ഭാ​ഗ​മാ​ണ്. ആ ​പാ​ര്‍​ട്ടി​ക്കു​ള്ളി​ലെ ആ​ഭ്യ​ന്ത​ര​പ്ര​ശ്‌​ന​ങ്ങ​ള്‍ പ​രി​ഹ​രി​ക്ക​ണ​മെ​ന്ന് ആ​വ​ശ്യ​പ്പെ​ട്ടി​ട്ടു​ണ്ട്. ഇ​നി​യും അ​ടി തു​ട​രു​ക​യും എ​ല്‍​ഡി​എ​ഫി​ന് കോ​ട്ടം ത​ട്ടു​ക​യും ചെ​യ്യു​ന്ന പ​ക്ഷം പു​റ​ത്താ​ക്കും.

ബി​ജെ​പി​യെ ഒ​റ്റ​പ്പെ​ടു​ത്തു​ക, യു​ഡി​എ​ഫി​നെ പ​ര​മാ​വ​ധി ദു​ര്‍​ബ​ല​പ്പെ​ടു​ത്തു​ക എ​ന്ന​താ​യി​രു​ന്നു തൃ​ശൂ​രി​ല്‍ ന​ട​ന്ന ക​ഴി​ഞ്ഞ സം​സ്ഥാ​ന സ​മ്മേ​ള​ന​ത്തി​ല്‍ എ​ടു​ത്ത തീ​രു​മാ​നം. ആ ​രാ​ഷ്ട്രീ​യ​ല​ക്ഷ്യം കൈ​വ​രി​ക്കു​ന്ന​തി​ല്‍ സി​പി​എം വി​ജ​യം​ക​ണ്ടെന്നും കോടിയേരി പറഞ്ഞു.

പിന്നാക്ക വിഭാഗങ്ങൾ കൂടുതലായി പാർട്ടിയിലേക്കു വന്നു എന്നാണ് അംഗത്വം തെളിയിക്കുന്നത്. ന്യൂനപക്ഷ വിഭാഗങ്ങൾ പാർട്ടിയോട് അടുക്കുന്നു. ഇനിയും അത് ശക്തിപ്പെടും. ഒരു കാലത്ത് പാർട്ടിയിൽ ശക്തമായ വിഭാഗീയത ഉണ്ടായിരുന്നു. സംസ്ഥാന നേതൃത്വം അതിൽ ഇടപെടുന്ന സ്ഥിതിയുണ്ടായി. ഇപ്പോൾ വിഭാഗീയതയ്ക്ക് പൂർണമായി അന്ത്യം കുറിച്ചു. എന്നാൽ, ചില നേതാക്കൾ തനിക്കു ചുറ്റും പാർട്ടി അണികളെ കൂട്ടുന്നുണ്ട്. അത്തരം കാര്യങ്ങള്‍ പരിശോധിച്ച് ശക്തമായ നടപടി സ്വീകരിക്കുമെന്നും കോടിയേരി പറഞ്ഞു.