അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അഞ്ചാലുമ്മൂട്: അച്ഛനേയും മുത്തച്ഛനേയും ആക്രമിച്ച് കൊലപ്പെടുത്താൻ ശ്രമിച്ച യുവാവിനെ അഞ്ചാലുമ്മൂട് പോലീസ് അറസ്റ്റ് ചെയ്യ്തു. തൃക്കരുവ വില്ലേജിൽ തെക്കേചേരി വൻമള കുന്നത്ത് മേലതിൽ വീട്ടിൽ ജയകുമാർ മകൻ ജയപ്രകാശ് (25) ആണ് അഞ്ചാലുമ്മൂട് പോലീസിൻ്റെ പിടിയിൽ ആയത്.
രാത്രി മദ്യപിച്ച് വീട്ടിൽ എത്തിയ പ്രതി വീടും വസ്തുവും സ്വന്തം പേരിൽ എഴുതി കൊടുക്കാത്തതിലുള്ള വിരോധത്താൽ അസഭ്യം വിളിച്ചും ബഹളം വച്ചതിനെ ചോദ്യം ചെയ്യ്ത സമയം പ്രതി ഡൈനിംഗ് ടേബിളിൻ്റെ പുറത്ത് ഇരുന്ന കത്താൾ കൊണ്ട് അച്ഛൻ ജയകുമാറിൻ്റെ തലയിലും ഇടത് കൈ തണ്ടയിലും വെട്ടി മുറിവേൽപ്പിക്കുകയും കല്ലു കൊണ്ട് വയറ്റിൽ എറിഞ്ഞ് പരിക്കേൽപിക്കുകയും ചെയ്യ്തു.
ഇത് തടയാൻ എത്തിയ മുത്തച്ഛനെ ഓലമടൽകൊണ്ട് അടിച്ച് പരിക്കേൽപ്പിക്കുകയും ചെയ്യ്തു. ശേഷം സ്ഥലത്ത് നിന്നും ഒളിവിൽ പോയ പ്രതിയെ കൊല്ലം എസിപി ജി ഡി വിജയകുമാറിൻ്റെ നിർദ്ദേശപ്രകാരം അഞ്ചാലുമ്മൂട് ഇൻസ്‌പെക്ടർ എസ്എച്ച്ഓ സി ദേവരാജൻ്റെ നേതൃത്വത്തിൽ എസ്‌ഐമാരായ അനീഷ്, സിറാജുദ്ദീൻ, ലഗേഷ് കുമാർ, സിപിഓ ബിജു എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്യ്തത്. കോടതിയിൽ ഹാജരാക്കിയ ഇയാളെ റിമാന്റ് ചെയ്യ്തു.
