യു​ക്രെ​യ്നി​ലെ ഇ​ന്ത്യ​ക്കാ​ർ‌ സു​ര​ക്ഷി​ത​ർ; എംബസിയുടെ പ്രവർത്തനത്തിന് തടസ്സമില്ലെന്നും വിദേശകാര്യമന്ത്രി

ന്യൂ​ഡ​ൽ​ഹി: റ​ഷ്യ – യു​ക്രെയ്ൻ സം​ഘ​ർ​ഷം കേ​ന്ദ്ര സ​ർ​ക്കാ​ർ ജാ​ഗ്ര​ത​യോ​ടെ നി​രീ​ക്ഷി​ച്ചു വ​രി​ക​യാ​ണെ​ന്നും ഇ​പ്പോ​ൾ അ​വി​ടെ തു​ട​രേ​ണ്ട അ​ടി​യ​ന്തി​ര ആ​വ​ശ്യം ഇ​ല്ലാ​ത്ത​വ​രോ​ട് ഇ​ന്ത്യ​യി​ലേ​ക്ക് താ​ൽ​കാ​ലി​ക​മാ​യി മ​ട​ങ്ങി വ​രു​ന്ന​ത് പ​രി​ഗ​ണി​ക്കാ​നും നി​ർ​ദേ​ശി​ച്ച​താ​യി കേ​ന്ദ്ര വി​ദേ​ശ​കാ​ര്യ മ​ന്ത്രി എ​സ്. ജ​യ​ശ​ങ്ക​ർ അ​റി​യി​ച്ചു.

ഓൺലൈൻ ക്ളാസുകൾ ഉറപ്പാക്കാൻ ചർച്ച നടത്തും. എംബസിയുടെ പ്രവർത്തനത്തിന് തടസ്സമില്ലെന്നും വിദേശകാര്യമന്ത്രി പറഞ്ഞു.  

ഇ​ന്ത്യ​യി​ലെ​യും യു​ക്രെ​യ്നി​ലെ​യും വി​വി​ധ ന​ഗ​ര​ങ്ങ​ൾ ത​മ്മി​ലു​ള്ള വി​മാ​ന​സ​ർ​വീ​സു​ക​ൾ ഇ​ന്ത്യ​ൻ വി​ദ്യാ​ർ​ഥി​ക​ളു​ടെ​യും മ​റ്റ് ഇ​ന്ത്യ​ൻ പൗ​ര​ന്മാ​രു​ടെ​യും ആ​വ​ശ്യ​ത്തി​ന് അ​നു​സൃ​ത​മാ​യി വ​ർ​ധി​പ്പി​ക്കാ​നാ​യി കേ​ന്ദ്ര വി​ദേ​ശ​കാ​ര്യ വ​കു​പ്പും വ്യോ​മ​യാ​ന വ​കു​പ്പും വി​വി​ധ വി​മാ​ന​ക്ക​ന്പ​നി​ക​ളു​മാ​യി ചേ​ർ​ന്ന് പ​രി​ശ്ര​മി​ക്കു​ന്നു​ണ്ട്.

യു​ക്രെ​യ്നി​യ​ൻ ഇ​ന്‍റ​ർ​നാ​ഷ​ണ​ൽ എ​യ​ർ​ലൈ​ൻ​സി​ലൂ​ടെ ഇ​പ്പോ​ൾ യു​ക്രെയ്നി​ൽ നി​ന്ന് നാ​ട്ടി​ലേ​ക്ക് മ​ട​ങ്ങാ​ൻ ആ​ഗ്ര​ഹി​ക്കു​ന്ന​വ​ർ​ക്ക് യാ​ത്ര ടി​ക്ക​റ്റു ബു​ക്ക് ചെ​യ്യാ​മെ​ന്നും വി​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു. വി​ദേ​ശ​കാ​ര്യ മ​ന്ത്രാ​ല​യ​ത്തി​ൽ ഇ​രു​പ​ത്തി​നാ​ലു മ​ണി​ക്കൂ​റും പ്ര​വ​ർ​ത്തി​ക്കു​ന്ന ഹെ​ൽ​പ് ലൈ​ൻ നി​ല​വി​ൽ വ​ന്നു.

ഇന്ത്യയിലേക്ക് തിരികെയെത്തിയതിലൂടെ ആശങ്കയൊഴിഞ്ഞുവെന്ന് യുക്രൈനിൽ നിന്ന് ഇന്നലെ മടങ്ങിയ എത്തിയ വിദ്യാർത്ഥികൾ പറഞ്ഞു. യുക്രൈനിൽ നിന്നുള്ള എയർ ഇന്ത്യയുടെ ആദ്യ പ്രത്യേക വിമാനം അർദ്ധരാത്രിയോടെയാണ് ദില്ലിയിൽ എത്തിയത്. വരും ദിവസങ്ങളിലും കൂടുതൽ ഇന്ത്യക്കാരെ തിരികെ എത്തിക്കാനുള്ള നടപടികളിലേക്ക് കടക്കുകയാണ് വിദേശകാര്യ മന്ത്രാലയം.

യുക്രൈനിലുള്ള ഇന്ത്യക്കാരെയും ഇന്ത്യൻ എംബസി ജീവനക്കാരുടെ കുടുംബാംഗങ്ങളുമായി ആദ്യ എയർ ഇന്ത്യ വിമാനം ദില്ലിയിലെത്തി. 256 സീറ്റുകളുള്ള ഡ്രീംലൈനർ ബോയിംഗ് 787 വിമാനമാണ് ദില്ലിയിലെത്തിയത്. ഇന്ത്യക്കാരെ യുക്രൈനിൽ നിന്ന് ഒഴിപ്പിക്കൽ ദൗത്യത്തിന്റെ ഭാഗമായി മൂന്ന് വിമാനങ്ങളാണ് ഉള്ളത്. വ്യാഴം, ശനി ദിവസങ്ങളിൽ രണ്ട് വിമാനങ്ങൾ കൂടി യുക്രൈനിലേക്ക് പോകും. കീവിലെ ബോറിസ്പിൽ വിമാനത്താവളത്തിൽ നിന്നാണ് ആദ്യം വിമാനം പുറപ്പെട്ടത്. എയർ ഇന്ത്യയുടെ ബുക്കിങ് ഓഫീസുകൾ, ഔദ്യോഗിക വെബ്‌സൈറ്റ്, കോൾ സെന്ററുകൾ, അംഗീകൃത ട്രാവൽ ഏജന്റുമാർ വഴി മറ്റു വിമാനങ്ങൾക്കുള്ള ബുക്കിങ് പുരോഗമിക്കുകയാണ്.