അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ന്യൂഡൽഹി: നാഷണൽ ഇൻസ്റ്റിറ്റ്യൂട്ട് ഓഫ് എഡ്യൂക്കേഷൻ ആൻഡ് റിസർച്ച് (നൈസർ) ഭൂവനേശ്വർ, യൂണിവേഴ്സിറ്റി ഓഫ് മുംബൈ ഡിപ്പാർട്മെന്റ് ഓഫ് ആറ്റോമിക് എനർജി സെന്റർ ഫോർ എക്‌സലൻസ് ഇൻ ബേസിക് സയൻസസ് (UM-DAB CEBS) മുംബൈ എന്നീ സ്ഥാപനങ്ങളുടെ 5 വർഷ ഇന്റഗ്രേറ്റഡ് MSc പ്രോഗ്രാം പ്രവേശനത്തിനുള്ള നാഷണൽ എൻ‌ട്രൻസ് സ്ക്രീനിംഗ് ടെസ്റ്റ്‌ (നെസ്റ്റ്) അപേക്ഷ ഫെബ്രുവരി 21 മുതൽ ആരംഭിക്കും.
1200 രൂപയാണ് അപേക്ഷ ഫീസ്. വനിതകൾക്കും എസ് സി /എസ് ടി വിഭാഗക്കാർക്കും ഭിന്നശേഷിക്കാർക്കും 600 രൂപ. മെയ് 18 ആണ് അപേക്ഷ സമർപ്പിക്കാനുള്ള അവസാന തിയ്യതി. ഫിസിക്സ്, കെമിസ്ട്രി, മാതെമറ്റിക്സ്/ബയോളജി ഉൾപ്പെടെ ശാസ്ത്ര വിഷയങ്ങളിൽ 60 ശതമാനം മാർക്ക്/തതുല്യ ഗ്രേഡിൽ കുറയാതെ 2020/21 വർഷം പ്ലസ്ടു / തതുല്യ ബോർഡ്‌ പരീക്ഷ വിജയിച്ചവർക്കും 2022 ൽ ഫൈനൽ പരീക്ഷ എഴുതുന്നവർക്കും അപേക്ഷിക്കാം. കേരളത്തിൽ മലപ്പുറവും കോഴിക്കോടും ഉൾപ്പെടെ 14 പരീക്ഷാ കേന്ദ്രങ്ങൾ ഉണ്ട്.
