സഞ്ജു വീണ്ടും ഇന്ത്യന്‍ ടീമില്‍

മും​ബൈ: മ​ല​യാ​ളി താ​രം സ​ഞ്ജു സാം​സ​ണ്‍ വീ​ണ്ടും ഇ​ന്ത്യ​ൻ ടീ​മി​ൽ. 24ന് ആരംഭിക്കുന്ന ശ്രീ​ല​ങ്ക​യ്ക്കെ​തി​രാ​യ ട്വ​ന്‍റി-20 പ​ര​മ്പ​ര​യ്ക്കു​ള്ള ടീ​മി​ലാ​ണ് സ​ഞ്ജു​വി​ന് ഇ​ടം ല​ഭി​ച്ച​ത്.

വി​ക്ക​റ്റ് കീ​പ്പ​ർ ഋ​ഷ​ഭ് പ​ന്തി​ന് വി​ശ്ര​മം അ​നു​വ​ദി​ച്ച​തോ​ടെ ഇ​ഷാ​ൻ കി​ഷ​നൊ​പ്പം ര​ണ്ടാം വി​ക്ക​റ്റ് കീ​പ്പ​റാ​യി സ​ഞ്ജു​വി​നെ ടീ​മി​ൽ ഉ​ൾ​പ്പെ​ടു​ത്തു​ക​യാ​യി​രു​ന്നു. മു​ൻ നാ​യ​ക​ൻ വി​രാ​ട് കോ​ഹ്ലി​ക്കും വി​ശ്ര​മം അ​നു​വ​ദി​ച്ചി​ട്ടു​ണ്ട്.

2015ൽ സിംബാവെയ്‌ക്കെതിരായ ടി20യിലൂടെ ദേശീയ ടീമിനായി അരങ്ങേറ്റം കുറിച്ച സഞ്ജുവിന് ഇതുവരെ ആകെ 11 അന്താരാഷ്ട്ര മത്സരങ്ങള്‍ കളിക്കാനുള്ള അവസരം മാത്രമാണ് ലഭിച്ചിട്ടുള്ളത്. ഒരൊറ്റ ഏകദിനത്തിലും 10 ടി20യിലുമാണ് സഞ്ജു ഇന്ത്യൻ ജഴ്‌സിയണിഞ്ഞത്. വല്ലപ്പോഴും ലഭിക്കുന്ന അപൂർവം അവസരങ്ങൡലാണെങ്കിൽ ശ്രദ്ധപിടിച്ചുപറ്റാവുന്ന തരത്തിൽ മികച്ച പ്രകടനം പുറത്തെടുക്കാനും താരത്തിനായില്ല. 

വെസ്റ്റിൻഡീസുമായുള്ള പരമ്പരയിൽ ഇഷൻ കിഷന് കാര്യമായി തിളങ്ങാനാകാത്തതിനാൽ ടി20 പരമ്പരയിൽ വിക്കറ്റ് കാക്കാൻ സഞ്ജുവിനെ തന്നെ പരിഗണിക്കുമെന്നാണ് പ്രതീക്ഷിക്കപ്പെടുന്നത്.