പേ​ഴ്സ​ണ​ൽ സ്റ്റാ​ഫ് പെ​ൻ​ഷ​ൻ ഉ​ട​ൻ നി​ർ​ത്തും; നിലപാടിലുറച്ച് ഗവർണർ

തി​രു​വ​ന​ന്ത​പു​രം: പേ​ഴ്സ​ണ​ൽ സ്റ്റാ​ഫ് പെ​ൻ​ഷ​ൻ ഉ​ട​ൻ നി​ർ​ത്തു​മെ​ന്ന് ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ. പെ​ൻ​ഷ​ൻ വി​ഷ​യം ഗൗ​ര​വ​മാ​യി എ​ടു​ക്കു​ക​യാ​ണ്. പെ​ൻ​ഷ​ൻ അ​വ​സാ​നി​പ്പി​ക്കാ​ൻ സ​ർ​ക്കാ​രി​നോ​ട് ആ​വ​ശ്യ​പ്പെ​ട്ടു​വെ​ന്നും അ​ദ്ദേ​ഹം പ​റ​ഞ്ഞു.

പേ​ഴ്സ​ണ​ൽ സ്റ്റാ​ഫി​നു​ള്ള പെ​ൻ​ഷ​ൻ ഫ​യ​ൽ വി​ളി​പ്പി​ച്ചി​ട്ടു​ണ്ട്. ന​ട​പ​ടി​യെ​ടു​ക്കാ​ൻ ത​നി​ക്ക് അ​ധി​കാ​ര​മു​ണ്ടെ​ന്നും ന​ട​പ​ടി​ക്ക് ഒ​രു മാ​സം പോ​ലും വേ​ണ്ടി വ​രി​ല്ലെ​ന്നും ഗ​വ​ർ​ണ​ർ കൂ​ട്ടി​ച്ചേ​ർ​ത്തു. 

മന്ത്രിമാരുടെ പേഴ്സണൽ സ്റ്റാഫിന് പെൻഷൻ നൽകുന്ന സ്കീം അവസാനിപ്പിക്കണമെന്ന് ചീഫ് സെക്രട്ടറിയോട് പറഞ്ഞു. ബജറ്റിൽ പത്ത് കോടി രാജ് ഭവന് നീക്കി വച്ചതിനെ കുറിച്ച് സർക്കാരിനോട് ചോദിക്കണം. ഇന്ത്യയിൽ കേരളത്തിലെ രാജ്ഭവനിൽ ആണ് ഏറ്റവും കുറവ് പേഴ്സണൽ സ്റ്റാഫ് ഉളളതെന്നും ഗവർണർ അവകാശപ്പെടുന്നു. 

ന​ട​ക്കു​ന്ന​ത് പാ​ർ​ട്ടി റി​ക്രൂ​ട്ട്മെ​ന്‍റാ​ണ്. പെ​ന്‍​ഷ​നും ശ​മ്പ​ള​വും ഉ​ള്‍​പ്പെ​ടെ വ​ന്‍ സാ​മ്പ​ത്തി​ക ബാ​ധ്യ​ത വ​രു​ത്തി​വ​യ്ക്കു​ന്നു. ര​ണ്ടു വ​ര്‍​ഷം കൂ​ടു​മ്പോ​ള്‍ സ്റ്റാ​ഫി​നെ മാ​റ്റി നി​യ​മി​ക്കു​ന്നു. ഈ ​രീ​തി റ​ദ്ദാ​ക്ക​ണം. ഇ​ത് ന​യ​പ്ര​ഖ്യാ​പ​ന​ത്തി​ല്‍ ഉ​ള്‍​പ്പെ​ടു​ത്ത​ണ​മെ​ന്ന് ആ​വ​ശ്യ​പ്പെ​ട്ടു. ഈ ​നി​ല​പാ​ടി​ല്‍ നി​ന്നും പി​ന്നോ​ട്ടി​ല്ല.

രാ​ജ്ഭ​വ​നെ നി​യ​ന്ത്രി​ക്കാ​ൻ സ​ർ​ക്കാ​ർ ശ്ര​മി​ക്ക​രു​ത്. സ​ർ​ക്കാ​രി​ന് അ​തി​ന് അ​വ​കാ​ശ​മി​ല്ല. ജ്യോ​തി​ലാ​ലി​നെ മാ​റ്റാ​ൻ താ​ൻ ആ​വ​ശ്യ​പ്പെ​ട്ടി​ട്ടി​ല്ല. രാ​ഷ്ട്ര​പ​തി​യോ​ടു മാ​ത്ര​മേ ത​നി​ക്ക് ഉ​ത്ത​രം പ​റ​യേ​ണ്ട ബാ​ധ്യ​ത​യു​ള്ളു​വെ​ന്നും ഗ​വ​ർ​ണ​ർ ആ​ഞ്ഞ​ടി​ച്ചു.

കാനത്തിനും കടുത്ത ഭാഷയിലായിരുന്നു ഗവർണ്ണറുടെ മറുപടി. കാനം രാജേന്ദ്രൻ ഭരണമുന്നയിൽ തന്നെയല്ലേ എന്നാണ് ചോദ്യം. താൻ സർക്കാരിനെ ബ്ലാക്ക് മെയിൽ ചെയ്തിട്ടില്ല. ഇടതുമുന്നണിയുടെ പ്രശ്നങ്ങൾക്ക് തന്നെ കരുവാക്കരുത്. ആരിഫ് മുഹമ്മദ് ഖാൻ വ്യക്തമാക്കി. 

ഇടത് മുന്നണിയിൽ പ്രശ്നങ്ങൾ ഉണ്ടെന്നാണ് ഗവർണറുടെ ആരോപണം. ഇടത് മുന്നണിയെ തകർക്കാൻ തന്നെ ഉപയോഗിക്കരുത്. പരസ്യമായി തന്നെ നിങ്ങൾ തമ്മിൽ തല്ലുകയാണ്. താൻ ബ്ലാക്ക് മെയിൽ ചെയ്യുകയാണെങ്കിൽ എന്തിന് അതിന് കീഴടങ്ങണമെന്നാണ് ഗവർണറുടെ ചോദ്യം.

ഒരു പ്രതിപക്ഷനേതാവ് എങ്ങനെ പെരുമാറണം എന്ന കാര്യത്തിൽ വി ഡി സതീശന് ഒരു ധാരണയുമില്ലെന്നാണ് ഇന്ന് രാവിലെ മാധ്യമങ്ങളെ കണ്ടപ്പോൾ ഗവർണർ വിമർശിച്ചത്. ”പ്രതിപക്ഷനേതാവ് എങ്ങനെ പെരുമാറണം എന്നത് ഉമ്മൻചാണ്ടിയെയും രമേശ് ചെന്നിത്തലയെയും കണ്ട് പഠിക്കട്ടെ”, എന്നാണ് ഗവർണർ പറഞ്ഞത്. 

പ്രതിപക്ഷനേതാവ് എങ്ങനെ പ്രവർത്തിക്കണമെന്ന് അഞ്ച് പാർട്ടികളിൽ അലഞ്ഞ് തിരിഞ്ഞ് നടന്ന ഗവർണർ ആരിഫ് മുഹമ്മദ് ഖാന്‍റെ ഉപദേശം തനിക്ക് ആവശ്യമില്ലെന്നായിരുന്നു വി ഡി സതീശൻ ഇതിന് നൽകിയ മറുപടി. അഞ്ച് പാർട്ടികളിൽ പ്രവർത്തിച്ച റെക്കോഡൊക്കെ ഇന്ത്യൻ രാഷ്ട്രീയത്തിൽ ആർക്കുമുണ്ടാകില്ലെന്നാണ് തോന്നുന്നതെന്നും സതീശൻ പരിഹസിച്ചു. സ്ഥിരതയില്ലാതെ സംസാരിക്കുന്ന ഗവർണറുടെ പ്രവർത്തനങ്ങൾ അപമാനകരമെന്നും സതീശൻ പറഞ്ഞിരുന്നു.