അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തൃശൂര്‍: കൊടകരയില്‍ ഹാഷിഷ് ഓയിലുമായി രണ്ട് യുവാക്കള്‍ പിടിയില്‍. തൃശൂര്‍ ചിയാരം സ്വദേശികളായ അമല്‍, അനുഗ്രഹ് എന്നീ യുവാക്കളാണ് പിടിയിലായത്.
അഞ്ച് ഗ്രാം വീതമുള്ള 60 കുപ്പികളിലാക്കിയ 300 ഗ്രാം ഹാഷിഷ് ഓയില്‍ ഇവരില്‍ നിന്നും പിടിച്ചെടുത്തു. നെല്ലായില്‍വെച്ചാണ് ഇവരെ പോലീസ് പിടികൂടിയത്. ഇവര്‍ സഞ്ചരിച്ചിരുന്ന ബൈക്കും പോലീസ് കസ്റ്റഡിയിലെടുത്തിട്ടുണ്ട്.
പെണ്‍കുട്ടിയെ പിന്നിലിരുത്തി ബൈക്കില്‍ അഭ്യാസം കാണിച്ച് അപകടമുണ്ടാക്കിയതിനെ തുടർന്ന് കഴിഞ്ഞമാസം അമല്‍ നാട്ടുകാരുമായി അടിപിടിയുണ്ടാക്കിയത് വാർത്തയായിരുന്നു. നാട്ടുകാരെ ആക്രമിച്ചതിന് അമലിനെതിരെ ഒല്ലൂര്‍ പോലീസ് സ്‌റ്റേഷനില്‍ കേസ് നിലവിലുണ്ട്.
