അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
തൃശ്ശൂര്‍: പി. വെമ്പല്ലൂരില്‍ മകനെയും അമ്മയെയും മര്‍ദിച്ച കേസില്‍ നാലുപേരെ മതിലകം പോലീസ് പിടികൂടി. പി. വെമ്പല്ലൂര്‍ സ്വദേശി പനപ്പറമ്പില്‍ സുമേഷ് (25), കൂളിമുട്ടം സ്വദേശികളായ തുമ്പരപ്പുള്ളി വീട്ടില്‍ അക്ഷയ് (25), കുടിലിങ്ങല്‍ വീട്ടില്‍ അനന്ത് (21), കുടിലിങ്ങല്‍ വീട്ടില്‍ അമല്‍ (19) എന്നിവരെയാണ് മതിലകം എസ്.ഐ. വി.വി. വിമലും സംഘവും അറസ്റ്റ് ചെയ്തത്.
ചൊവ്വാഴ്ച വൈകീട്ട് അഞ്ചുമണിയോടെയാണ് പടിഞ്ഞാറേ വെമ്പല്ലൂര്‍ സ്വദേശി കളത്തില്‍ വീട്ടില്‍ ശ്യാം കൃഷ്ണനും അമ്മ ഗീതക്കും മര്‍ദനമേറ്റത്. വീട്ടില്‍നിന്ന് ബൈക്കില്‍ പുറത്തേക്ക് പോകുന്നതിനിടയില്‍ ബൈക്കില്‍നിന്ന് ചവിട്ടിവീഴ്ത്തി മര്‍ദിക്കുകയായിരുന്നു. മകനെ മര്‍ദിക്കുന്നതുകണ്ട് തടയാൻ എത്തിയ അമ്മയെയും സംഘം മര്‍ദിച്ചു. ഇടിക്കട്ട കൊണ്ടുള്ള ആക്രമണത്തില്‍ ശ്യാം കൃഷ്ണന് മുഖത്ത് പരിക്കേറ്റിട്ടുണ്ട്.
