അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കുന്നിക്കോട്: എംഡിഎംഎ മയക്കുമരുന്നുമായി രണ്ടുപേരെ പിടികൂടി. മലപ്പുറം തിരൂർ കൂട്ടായി കൂവക്കാട് വീട്ടിൽ മുഹമ്മദ് മുഷാഫിർ (28), പത്തനാപുരം വിളക്കുടി കുന്നിക്കോട് മാണിക്യംവിള വീടിൽ മുഹമ്മദ് ആഷിഖ് (27) എന്നിവരെയാണ് ലക്ഷങ്ങളുടെ മയക്കുമരുന്നുമായി എക്സൈസ് പിടികൂടിയത്.
രഹസ്യവിവരത്തിൻ്റെ അടിസ്ഥാനത്തില്‍ കുന്നിക്കോട് ടൗണിൽവെച്ചാണ് പിടികൂടിയത്. മുഹമ്മദ് ആഷിഖ് ആവശ്യപ്പെട്ട പ്രകാരം സുഹൃത്തായ മലപ്പുറം സ്വദേശി മുഹമ്മദ് മുഷാഫിർ മയക്കുമരുന്ന് എത്തിച്ചു നൽകുകയായിരുന്നെന്ന് ഇവര്‍ സമ്മതിച്ചിട്ടുണ്ട്. മയക്കുമരുന്ന് കടത്തിക്കൊണ്ടുവന്ന മാരുതി കാറും എക്സൈസ് പിടിച്ചെടുത്തു.
