തൃശൂരിൽ പോ​ലീ​സി​നെ വെ​ട്ടി​ച്ച് ക​ട​ന്നു​ക​ള​ഞ്ഞ പോക്സോ കേസ് പ്ര​തി പി​ടി​യി​ൽ

തൃ​ശൂ​ര്‍: പോ​ലീ​സി​നെ വെ​ട്ടി​ച്ച് ക​ട​ന്നു​ക​ള​ഞ്ഞ പോ​ക്സോ കേ​സ് പ്ര​തി പി​ടി​യി​ൽ. വി​യ്യൂ​ര്‍ ജ​യി​ലി​ല്‍​നി​ന്ന് ചി​കി​ത്സ​യ്ക്കാ​യി മെ​ഡി​ക്ക​ല്‍ കോ​ള​ജി​ല്‍ എ​ത്തി​ച്ച​പ്പോ​ൾ ക​ട​ന്നു​ക​ള​ഞ്ഞ ഉ​ത്ത​ര്‍​പ്ര​ദേ​ശ് സ്വ​ദേ​ശി ഷെ​ഹീ​നാ​ണ് പി​ടി​യി​ലാ​യ​ത്. ഇ​യാ​ളെ നാ​ട്ടൂ​കാ​ർ പി​ടി​കൂ​ടി പോ​ലീ​സി​ൽ ഏ​ൽ​പ്പി​ക്കു​ക​യാ​യി​രു​ന്നു. വെളപ്പായയിൽ നിന്നാണ് പ്രതിയെ പിടിച്ചത്.

വ്യാ​ഴാ​ഴ്ച ഉ​ച്ച​യോ​ടെ​യാ​ണ് ഇ​യാ​ൾ ര​ക്ഷ​പ്പെ​ട്ട​ത്. ശ്വാസകോശ സംബന്ധമായ അസുഖമുണ്ടെന്ന് അറിയിച്ചതിനെ തുടർന്നാണ് കൊച്ചിയിലെ പീഡനക്കേസ് പ്രതിയായ ഇയാളെ മെഡിക്കൽ കോളേജിലെത്തിച്ചത്. ജയിലിലെ മറ്റ് പ്രതികൾക്ക് ഒപ്പമാണ് ഇയാളെയും ആശുപത്രിയിലെത്തിച്ചിരുന്നത്. എന്നാൽ അധികൃതരുടെ കണ്ണുവെട്ടിച്ച് ഉച്ചയോടെ കടന്നുകളയുകയായിരുന്നു.

പ്രതി രക്ഷപ്പെട്ട വിവരം മാധ്യമങ്ങളിലൂടെ അറിഞ്ഞ നാട്ടുകാർ സംശയാസ്പദമായ നിലയിൽ കണ്ട ഫായിസിനോട് വിവരങ്ങൾ തിരക്കി. ഇതോടെ ഇയാൾ ഓടിരക്ഷപ്പെടാൻ ശ്രമിച്ചു. തുടർന്ന് നാട്ടുകാർ ചേർന്ന് പിടികൂടുകയായിരുന്നു. കുതറിയോടി രക്ഷപ്പെടാൻ ശ്രമിച്ച ഇയാളെ നാട്ടുകാർ കെട്ടിയിട്ട ശേഷമാണ് പൊലീസിനെ വിവരമറിയിച്ചത്. 

2021-ല്‍ ​എ​റ​ണാ​കു​ളം ഏ​ലൂ​രി​ല്‍ ന​ട​ന്ന ഒ​രു പോ​ക്സോ കേ​സു​മാ​യി ബ​ന്ധ​പ്പെ​ട്ടാ​ണ് ഷെ​ഹീ​നെ അ​റ​സ്റ്റു ചെ​യ്ത​ത്. വി​ചാ​ര​ണ ന​ട​പ​ടി​ക​ള്‍ പു​രോ​ഗ​മി​ക്കു​ക​യാ​ണ്. ഇ​തി​നി​ടെ​യാ​ണ് പ്ര​തി ചാ​ടി​പ്പോ​യ​ത്.