ബാ​ബു​വി​നെ ര​ക്ഷി​ക്കാ​ൻ ക​ര​സേ​ന​യും വ്യോ​മ​സേ​ന​യും വ​രു​ന്നു; രക്ഷാപ്രവർത്തനം ഇന്ന് രാത്രി തന്നെ ആരംഭിക്കും

പാ​ല​ക്കാ​ട്: മലമ്പുഴ ചേറാട് മലയിൽ കുടുങ്ങി കിടക്കുന്ന യുവാവിനെ രക്ഷപ്പെടുത്താനായി ആർമിയുടെ രക്ഷാദൗത്യം ഇന്ന് രാത്രി പത്ത് മണിയോടെ തന്നെ ആരംഭിക്കും. രക്ഷാപ്രവർത്തനത്തിനായി പത്ത് പേരടങ്ങുന്ന സംഘം മലമ്പുഴയിലേക്ക് പുറപ്പെട്ടു.  

പർവതാരോഹണ രക്ഷാപ്രവർത്തനത്തിലെ വിദഗ്ധരാണ് ആർമി ദൗത്യസംഘത്തിൽ ഉൾപ്പെട്ടിട്ടുള്ളത്. കാർഗിൽ ഓപറേഷൻ, ഉത്തരാഖണ്ഡ് ദൗത്യം എന്നിവയിൽ പങ്കെടുത്തവരാണ് മലമ്പുഴയിലേക്ക് തിരിച്ചിരിക്കുന്നത്. ഇന്ന് രാത്രി തന്നെ രക്ഷാപ്രവർത്തനം ആരംഭിക്കാനുള്ള സജ്ജീകരണങ്ങളോടെയാണ് സംഘം യാത്ര തിരിച്ചിരിക്കുന്നത്. പ്രദേശത്തെ കുറിച്ചുള്ള വിവരങ്ങളെല്ലാം സംഘം ശേഖരിച്ചുകഴിഞ്ഞു.

ര​ക്ഷാ​ദൗ​ത്യ​ത്തി​ൽ വ്യോ​മ​സേന​യും പ​ങ്കാ​ളി​ക​ളാ​കും. ബം​ഗ​ളൂ​രു​വി​ൽ നി​ന്ന് പാ​രാ ക​മാ​ൻ​ഡോ​ക​ൾ പു​റ​പ്പെ​ട്ടു. അ​വ​രെ വ്യോ​മ മാ​ർ​ഗം സു​ലൂ​രി​ൽ എ​ത്തി​ക്കും. അ​വി​ടെ നി​ന്ന് റോ​ഡ് മാ ർ​ഗം മ​ല​മ്പു​ഴ​യി​ലെ​ത്തു​മെ​ന്നും മു​ഖ്യ​മ​ന്ത്രി​യു​ടെ ഓ​ഫി​സ് അ​റി​യി​ച്ചു.

ഹെ​ലി​കോ​പ്റ്റ​ര്‍ ഉ​പ​യോ​ഗി​ച്ചു​ള്ള ര​ക്ഷാ​പ്ര​വ​ർ​ത്ത​നം ദു​ഷ്ക​ര​മാ​യ​തോ​ടെ​യാ​ണ് ക​ര വ്യോ​മ സേ​ന​ക​ളെ വി​ളി​ക്കാ​ൻ അ​ധി​കൃ​ത​ർ തീ​രു​മാ​നി​ച്ച​ത്. യു​വാ​വ് മ ല​യി​ടു​ക്കി​ൽ കു​ടു​ങ്ങി​യി​ട്ട് 29 മ​ണി​ക്കൂ​ർ പി​ന്നി​ട്ടു.  

 
മ​ല​മ്പു​ഴ ചെ​റാ​ട് സ്വ​ദേ​ശി ആ​ര്‍. ബാ​ബു(23)​ആ​ണ് മ​ല​യി​ല്‍ കാ​ല്‍ വ​ഴു​തി വീ​ണ് കു​ടു​ങ്ങി​യ​ത്. ഇ​യാ​ൾ ഇ​പ്പോ​ഴും മ​ല​യി​ടു​ക്കി​ലെ ചെ​റി​യ ഗു​ഹ​യി​ൽ ഇ​രി​ക്കു​ക​യാ​ണ്. തി​ങ്ക​ളാ​ഴ്ച ഉ​ച്ച​യോ​ടെ അ​പ​ക​ട​ത്തി​ൽ​പ്പെ​ട്ട ബാ​ബു​വി​ന് ഇ​തു​വ​രെ ഭ​ക്ഷ​ണ​മോ വെ​ള്ള​മോ എ​ത്തി​ക്കാ​ൻ ക​ഴി​ഞ്ഞി​ട്ടി​ല്ല. യുവാവിനെ ഹെലികോപ്ടർ ഉപയോഗിച്ച് താഴെയിറക്കാൻ നീക്കം നടത്തിയെങ്കിലും ഫലം കണ്ടില്ല. കോസ്റ്റ് ഗാർഡിന്റെ ഹെലികോപ്റ്റർ മലയിലേക്ക് എത്തിയെങ്കിലും ശക്തമായ കാറ്റ് മൂലം യുവാവിന് അരികിലേക്ക് എത്താനോ നിയന്ത്രിച്ചുനിർത്താനോ സാധിച്ചില്ല. ഇതേ തുടർന്ന് ഹെലികോപ്റ്റർ കഞ്ചിക്കോട്ടേക്ക് തിരിച്ചു പോയി. ഹെലികോപ്റ്റർ ഉപയോഗിച്ച് തന്നെ ബാബുവിന് ഭക്ഷണവും വെള്ളവും എത്തിക്കാനുള്ള നീക്കമാണ് ഇപ്പോൾ നടത്തുന്നത്.