‘കൂടുതൽ തെളിവുകൾ..’; ദിലീപിനെതിരെ പുതിയ ശബ്ദസന്ദേശം പുറത്ത് വിട്ട് ബാലചന്ദ്രകുമാർ

തിരുവനന്തപുരം: വധ​ഗൂഢാലോചന കേസുമായി ബന്ധപ്പെട്ട്  ദിലീപിന്റെതെന്ന് സംശയിക്കുന്ന ശബ്ദരേഖ പുറത്ത്. നടൻ ദിലീപിനെതിരെ പുതിയ ശബ്ദരേഖ പുറത്ത് വിട്ടത് സംവിധായകൻ ബാലചന്ദ്രകുമാർ ആണ്. അന്വേഷണ ഉദ്യോഗസ്ഥരെ കൊല്ലേണ്ട രീതിയെ കുറിച്ച് പരാമർശമുള്ള ശബ്ദരേഖയാണ് പുറത്തുവന്നത്. ഒരാളെ തട്ടാൻ തീരുമാനിക്കുമ്പോൾ ഗ്രൂപ്പിൽ ഇട്ട് തട്ടണം എന്ന നിർദേശമാണ് ശബ്ദരേഖയിൽ ഉള്ളത്. 

ഈ ശബ്ദരേഖയുടെ വിശദാംശങ്ങൾ പ്രോസിക്യൂഷൻ കോടതിയെ അറിയിച്ചിരുന്നു.  ഈ ശബ്ദ സംഭാഷണം 2017 നവംബർ 15ന്  ഉള്ളതാണെന്ന് ബാലചന്ദ്രകുമാർ വ്യക്തമാക്കുന്നു. ഒരുവർഷത്തേക്ക് ഫോൺ ഉപയോഗിക്കരുതെന്ന് ദിലീപിനോട് അനുജൻ അനൂപ് പറഞ്ഞുവെന്നും ശബ്ദ സംഭാഷണത്തിലുണ്ട്.