അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.രാഹുൽ സദാശിവൻ സംവിധാനം ചെയ്ത് ഷെയ്ൻ നിഗവും രേവതിയും മത്സരിച്ചഭിനയിച്ച ‘ഭൂതകാല’ത്തെ പ്രശംസിച്ച് ബോളിവുഡ് സംവിധായകൻ രാം ഗോപാൽ വർമ. എക്സോസിസ്റ്റ് എന്ന ഹോളിവുഡ് ചിത്രത്തിന് ശേഷം ഇത്രയും നല്ലൊരു ഹൊറർ ചിത്രം വേറെ കണ്ടിട്ടില്ല എന്നാണു ഭൂതകാലത്തെക്കുറിച്ച് അദ്ദേഹം ട്വീറ്റ് ചെയ്തത്. ഭൂത്, രാത്ത്, ട്വൽവ് ഓ ക്ലോക്ക് തുടങ്ങി പത്തിലേറെ ഹൊറർ സിനിമകൾ സംവിധാനം ചെയ്ത സംവിധായകനാണ് രാംഗോപാൽ വർമ.
‘എക്സോസിസ്റ്റിനു ശേഷം ഞാൻ കണ്ടതിൽ വച്ച് ഏറ്റവും മികച്ച ഹൊറർ സിനിമയാണ് ‘ഭൂതകാലം’. ഭയപ്പെടുത്തുന്ന അന്തരീക്ഷം സൃഷ്ടിച്ച് പ്രേക്ഷകരെ പിടിച്ചിരുത്തുന്നതിൽ വിജയിച്ച ഭൂതകാലത്തിൻ്റെ സംവിധായകൻ രാഹുൽ സദാശിവനും നിർമാതാവ് അൻവർ റഷീദിനും അഭിനന്ദനങ്ങൾ. ഷെയ്ൻ നിഗം വളരെ ബ്രില്യന്റ് ആയി അഭിനയിച്ചിട്ടുണ്ട്. ബഹുമുഖ പ്രതിഭയായ രേവതിയുടെയും അഭിനയം എടുത്തുപറയേണ്ടതാണ്. ഭൂതകാലത്തിനു പിന്നിൽ പ്രവർത്തിച്ച മുഴുവൻ ടീമിനും അഭിനന്ദനങ്ങൾ’- എന്ന് രാം ഗോപാൽ വർമ ട്വീറ്റ് ചെയ്തു.
Not since EXORCIST, I saw a more realistic horror film than BHOOTHA KAALAM 🙏 Kudos to director Rahul Sadasivan for the ambience created and producer Anwar Rasheed,brilliantly enacted by Shane Nigam and ultra versatile #RevathyActress https://t.co/kdStRgTTiY playing on Sony Liv
— Ram Gopal Varma (@RGVzoomin) January 24, 2022
പിന്നാലെ സൈജു കുറുപ്പ്, ഷെയ്ൻ തുടങ്ങിയവർ രാം ഗോപാൽ വർമയുടെ ട്വീറ്റ് പങ്കുവച്ച് നന്ദി അറിയിച്ചു. നിര്മ്മാണത്തിലും ഷെയ്ന് നിഗത്തിന് പങ്കാളിത്തമുള്ള ചിത്രമാണ് ‘ഭൂതകാലം’. പ്ലാന് ടി ഫിലിംസ്, ഷെയ്ന് നിഗം ഫിലിംസ് എന്നീ ബാനറുകളില് തെരേസ റാണി, സുനില ഹബീബ് എന്നിവര് നിര്മ്മിക്കുന്ന ചിത്രം അവതരിപ്പിക്കുന്നത് അന്വര് റഷീദ് ആണ്.
സൈജു കുറുപ്പ്, ജെയിംസ് ഏലിയ, ആതിര പട്ടേൽ, അഭിറാം രാധാകൃഷ്ണൻ, വത്സല മേനോൻ, മഞ്ജു പത്രോസ്, റിയാസ് നർമ്മകല തുടങ്ങിയവര് മറ്റു കഥാപാത്രങ്ങളെ അവതരിപ്പിക്കുന്നു. രാഹുൽ സദാശിവൻ, ശ്രീകുമാർ ശ്രേയസ് എന്നിവര് ചേര്ന്നാണ് രചന. ഛായാഗ്രഹണം ഷഹനാദ് ജലാൽ, എഡിറ്റിംഗ് ഷഫീഖ് മുഹമ്മദ്, പശ്ചാത്തലസംഗീതം ഗോപി സുന്ദറാണ്.
