അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.അള്‍ട്രോസ് ഓട്ടോമാറ്റിക് വേരിയന്റ് സമീപഭാവിയില്‍ അവതരിപ്പിക്കുമെന്ന് കമ്ബനി ഇപ്പോള്‍ സ്ഥിരീകരിച്ചതായി ഇന്ത്യാ കാര്‍ ന്യൂസ് റിപ്പോര്‍ട്ട് ചെയ്യുന്നു.ആള്‍ട്രോസ് ഓട്ടോമാറ്റിക്കിന് ഡ്യുവല്‍ ക്ലച്ച്‌ ട്രാന്‍സ്മിഷന്‍ ലഭിക്കുമെന്ന് പ്രതീക്ഷിക്കുന്നു.
പഞ്ച് പവര്‍ട്രെയിനില്‍ നിന്ന് 7-സ്പീഡ് DT-1 ഡ്യുവല്‍ ക്ലച്ച്‌ ട്രാന്‍സ്മിഷന്‍ കമ്ബനിക്ക് ലഭ്യമാക്കാം. ഈ ഗിയര്ബോക്സ് 200Nm വരെ ടോര്‍ക്ക് ഉള്ള കോംപാക്റ്റ് വാഹനങ്ങള്‍ക്കായി രൂപകല്‍പ്പന ചെയ്‍തിരിക്കുന്നു. പരമ്ബരാഗത ഡ്യുവല്‍ ക്ലച്ച്‌ അല്ലെങ്കില്‍ ടോര്‍ക്ക് കണ്‍വെര്‍ട്ടര്‍ യൂണിറ്റുകളേക്കാള്‍ താരതമ്യേന താങ്ങാനാവുന്ന വിലയാണിത്.
ഒരു ട്വിറ്റര്‍ ഉപയോക്താവിന് മറുപടിയായി ടാറ്റ മോട്ടോഴ്‌സ് കാര്‍സ് ഔദ്യോഗിക ട്വീറ്റിലൂടെയാണ് ഇക്കാര്യം വ്യക്തമാക്കിയതെന്നാണ് റിപ്പോര്‍ട്ടുകള്‍. ‘അള്‍ട്രോസിന്റെ ഓട്ടോമാറ്റിക് വേരിയന്റ് സമീപഭാവിയില്‍ ലഭ്യമാകും. ഉചിതമായ സമയത്ത് വാഹനത്തിന്റെ ലഭ്യത ഞങ്ങള്‍ പ്രഖ്യാപിക്കും..’ കമ്ബനി പറയുന്നു.
ടാറ്റ ആള്‍ട്രോസ് ഓട്ടോമാറ്റിക് പരീക്ഷണത്തിന്റെ അവസാന ഘട്ടത്തിലാണെന്നും അടുത്ത മൂന്നു നാല് മാസത്തിനുള്ളില്‍ ലോഞ്ച് ചെയ്യപ്പെടുമെന്നും റിപ്പോര്‍ട്ടുകള്‍ ഉണ്ട്. പെട്രോള്‍ പതിപ്പില്‍ ഓട്ടോമാറ്റിക് ഗിയര്ബോക്സ് നല്‍കുമെന്ന് പ്രതീക്ഷിക്കുന്നു, അതേസമയം ഡീസല്‍ ആള്‍ട്രോസ് മാനുവല്‍ ഗിയര്ബോക്സ് ഓപ്ഷനുമായി തുടരും.
