ഡെൽറ്റയും ഒമിക്രോണും ഇരട്ടഭീഷണി; ‘കോ​വി​ഡ് സു​നാ​മി’ ഉ​ണ്ടാ​കു​മെ​ന്ന് ലോകാരോഗ്യ സംഘടനാ തലവന്‍റെ മുന്നറിയിപ്പ്

ജ​നീ​വ: ‘കോ​വി​ഡ് സു​നാ​മി’ ഉ​ണ്ടാ​കു​മെ​ന്ന് ലോ​കാ​രോ​ഗ്യ സം​ഘ​ട​ന മേ​ധാ​വി ടെ​ഡ്രോ​സ് അ​ദാ​നം. ഡെ​ൽ​റ്റ, ഒ​മി​ക്രോ​ൺ വ​ക​ഭേ​ദ​ങ്ങ​ളു​ടെ വ്യാ​പ​നം മൂ​ലം രോ​ഗി​ക​ളു​ടെ എ​ണ്ണം കു​തി​ച്ചു​യ​രും ആ​രോ​ഗ്യ​സം​വി​ധാ​ന​ങ്ങ​ൾ പ്ര​തി​സ​ന്ധി​യി​ലാ​കാ​ൻ സാ​ധ്യ​ത​യു​ണ്ടെ​ന്നും അ​ദ്ദേ​ഹം പ​റ​ഞ്ഞു.

ഇ​ര​ട്ട ഭീ​ഷ​ണി​യാ​ണ് ഡെ​ൽ​റ്റ, ഒ​മൈ​ക്രോ​ൺ വ​ക​ഭേ​ദ​ങ്ങ​ൾ. ഇ​വ​യു​ടെ വ്യാ​പ​നം പു​തി​യ കേ​സു​ക​ളു​ടെ എ​ണ്ണം റി​ക്കാ​ർ​ഡി​ൽ എ​ത്തി​ക്കും. ആ​ശു​പ​ത്രി​ക​ളി​ൽ എ​ത്തു​ന്ന​വ​രു​ടേ​യും മ​ര​ണ​ങ്ങ​ളു​ടെ​യും വ​ർ​ധ​ന​വി​ന് ഇ​തു കാ​ര​ണ​മാ​കും.

ഇപ്പോൾത്തന്നെ മന്ദഗതിയിൽ നീങ്ങുന്ന ആരോഗ്യ സംവിധാനം പല രാജ്യങ്ങളിലും തകരും. ഇതുവരെ വാക്‌സിൻ സ്വീകരിക്കാത്തവരിൽ മരണ നിരക്ക് കുതിച്ചുയരുമെന്നും ടെ‍ഡ്രോസ് പറഞ്ഞു. ഒമിക്രോൺ വകഭേദം വാക്സീൻ എടുത്തവരെയും ഒരിക്കൽ രോഗം വന്നുപോയവരെയും ബാധിക്കുന്നുണ്ടെന്ന് തെളിഞ്ഞതായും അദ്ദേഹം വ്യക്തമാക്കി. 

ആ​ഗോ​ള​ത​ല​ത്തി​ൽ പു​തി​യ കേ​സു​ക​ളു​ടെ എ​ണ്ണം 11 ശ​ത​മാ​ന​മാ​ണ് ഉ​യ​ർ​ന്ന​ത്. അമേരിക്കയിൽ ഈ ആഴ്ചയിലെ രോഗികളുടെ എണ്ണം ഇതുവരെയുള്ള ഏറ്റവും ഉയർന്ന നിലയിലെത്തി. ഇറ്റലി, ഗ്രീസ്, ഫ്രാൻസ്, പോർച്ചുഗൽ എന്നീ യൂറോപ്യൻ രാജ്യങ്ങളിൽ പ്രതിദിന രോഗികളുടെ എണ്ണം ഇതുവരെയുള്ള ഏറ്റവും ഉയർന്ന നിലയിലാണ്. ഫ്രാൻസിൽ ഇന്നലെ മാത്രം രണ്ടു ലക്ഷം പേരാണ് രോഗബാധിതർ ആയത്.