ഓട്ടോ-ടാക്സി ചാർജ് വര്‍ധന; തൊ​ഴി​ലാ​ളി​ക​ൾ പ​ണി​മു​ട​ക്കി​ലേ​ക്ക്; സംഘടനകളുമായി മന്ത്രി ആന്‍റണി രാജു ചര്‍ച്ച നടത്തും

തി​രു​വ​ന​ന്ത​പു​രം: സം​സ്ഥാ​ന​ത്തെ ഓ​ട്ടോ-​ടാ​ക്സി തൊ​ഴി​ലാ​ളി​ക​ൾ പ​ണി​മു​ട​ക്കി​ലേ​ക്ക്. ഡി​സം​ബ​ർ 30ന് ​സൂ​ച​നാ പ​ണി​മു​ട​ക്ക് ന​ട​ത്താ​ൻ ഓ​ട്ടോ-​ടാ​ക്സി ലൈ​റ്റ് മോ​ട്ടോ​ർ വ​ർ​ക്കേ​ഴ്സ് യൂ​ണി​യ​ൻ തീ​രു​മാ​നി​ച്ചു.

ഇ​ന്ധ​ന വി​ല​യും മ​റ്റ് ചി​ല​വു​ക​ളും വ​ർ​ധി​ച്ച​തി​ന് ആ​നു​പാ​തി​ക​മാ​യി നി​ര​ക്ക് വ​ർ​ധ​ന​യും ആ​വ​ശ്യ​പ്പെ​ട്ടാ​ണ് തൊ​ഴി​ലാ​ളി​ക​ൾ പ​ണി​മു​ട​ക്കു​ന്ന​ത്.

ഓ​ട്ടോ ചാ​ർ​ജ് നി​ല​വി​ലെ മി​നി​മം നി​ര​ക്കി​നേ​ക്കാ​ൾ അ​ഞ്ച് രൂ​പ​യെ​ങ്കി​ലും വ​ർ​ധി​പ്പി​ക്ക​ണ​മെ​ന്നാ​ണ് തൊ​ഴി​ലാ​ളി​ക​ളു​ടെ ആ​വ​ശ്യം. 2018 ഡി​സം​ബ​റി​ൽ നി​ര​ക്ക് പു​തു​ക്കി​യ ശേ​ഷം പി​ന്നീ​ട് വ​ർ​ധ​ന​വു​ണ്ടാ​യി​ട്ടി​ല്ല. മൂ​ന്ന് വ​ർ​ഷ​ത്തി​നി​ടെ ഇ​ന്ധ​ന​വി​ല ക്ര​മാ​തീ​ത​മാ​യി ഉ​യ​ർ​ന്നു​വെ​ന്നും നി​ര​ക്ക് വ​ർ​ധി​പ്പി​ക്കാ​തെ പി​ടി​ച്ചു​നി​ൽ​ക്കാ​ൻ ക​ഴി​യി​ല്ലെ​ന്നും തൊ​ഴി​ലാ​ളി​ക​ൾ പ​റ​യു​ന്നു.

അതേസമയം, ഓട്ടോ – ടാക്സി ചാര്‍ജ് വർധിപ്പിക്കണമെന്ന ആവശ്യത്തെക്കുറിച്ച്  സംഘടനാ പ്രതിനിധികളുമായി ഗതാഗത മന്ത്രി ആന്‍റണി രാജു  ഡിസംബർ 29 ന് ചര്‍ച്ച നടത്തും. രാവിലെ 10 ന് സെക്രട്ടേറിയറ്റിലെ മന്ത്രിയുടെ ഓഫീസിൽ വച്ചാണ് ചര്‍ച്ച. ഗതാഗത വകുപ്പിലെ ഉന്നത ഉദ്യോഗസ്ഥരും ചർച്ചയിൽ  പങ്കെടുക്കും. ചാർജ് വർധിപ്പിക്കുന്നതുൾപ്പടെയുള്ള ആവശ്യങ്ങളുന്നയിച്ച് സംഘടനകൾ  നൽകിയ നിവേദനത്തിന്‍റെ അടിസ്ഥാനത്തിലാണ് യോഗം ചേരുന്നത്.