അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: സംസ്ഥാനത്ത് പുതുവത്സര ഡിജെ പാര്ട്ടികള്ക്ക് നിയന്ത്രണം. ലഹരി ഉപയോഗത്തിന് സാധ്യതയുണ്ടെന്ന വിവരത്തെ തുടര്ന്നാണ് ഈ തീരുമാനമെടുത്തത്.ഇക്കാര്യം ആവശ്യപ്പെട്ട് സംസ്ഥാന പോലീസ് മേധാവി അനില് കാന്ത് ജില്ലാ പോലീസ് മേധാവികള്ക്ക് നിര്ദേശം നല്കി.പുതുവത്സരാഘോഷങ്ങളുമായി ബന്ധപ്പെട്ട് സംസ്ഥാനത്ത് ലഹരി പാര്ട്ടികള് നടക്കാന് സാധ്യതയുണ്ടെന്ന ഇന്റലിജന്സ് റിപ്പോര്ട്ടിന്റെ അടിസ്ഥാനത്തിലാണ് ഡിജിപിയുടെ കര്ശന നിയന്ത്രണം.ലഹരി പാര്ട്ടി നടക്കാന് സാധ്യതയുള്ള ഹോട്ടലുകളുടെ വിവരങ്ങളടക്കം ഉള്പ്പെടെയാണ് ഡിജിപി സര്ക്കുലര് പുറത്തിറക്കിയത്.
ഹോട്ടലിന് പുറത്ത് ഡിജെ പാര്ട്ടികള് സംഘടിപ്പിക്കുന്നത് രാത്രി 10 മണിവരെ മാത്രമാകണം. ഇവിടങ്ങളില് സിസിടിവി ക്യാമറകളുണ്ടെന്ന് ഉറപ്പ് വരുത്തണം. ഡിജെ പാര്ട്ടികളില് ലഹരി ഉപയോഗമില്ലെന്ന് ഹോട്ടല് ഉടമകള് ഉറപ്പുവരുത്തണമെന്നുമാണ് ഡിജിപിയുടെ നിര്ദ്ദേശം.അതേ സമയം സംസ്ഥാനത്തെ പുതുവത്സരാഘോഷങ്ങളില് അന്തിമ തീരുമാനം മുഖ്യമന്ത്രി പിണറായി വിജയന് പങ്കെടുക്കുന്ന കൊവിഡ് അവലോകന യോഗത്തിന് ശേഷമാകും. കൊവിഡിനൊപ്പം സംസ്ഥാനത്ത് ഒമിക്രോണും കൂടുതല് പേര്ക്ക് സ്ഥിരീകരിക്കുന്ന സാഹചര്യമായതിനാലാണ് ഇന്ന് വൈകിട്ട് നാല് മണിക്ക് അവലോകന യോഗം ചേരുന്നത്.
അതേ സമയം പുതുവത്സരത്തോട് അനുബന്ധിച്ച് അതിര്ത്തികള് വഴിയുള്ള ലഹരി മരുന്നിന്റെ ഒഴുക്ക് തടയാന് കേരള-തമിഴ്നാട് സംസ്ഥാനങ്ങള് സംയുക്ത പരിശോധന നടത്തുണ്ട്. വനപാതകളിലും നിരീക്ഷണം ശക്തമാക്കി. ക്രിസ്മസ്- പുതുവത്സര ആഘോഷങ്ങളോടനുബന്ധിച്ച് തമിഴ്നാട്ടില് നിന്ന് വന് തോതില് ലഹരി ഒഴുകുമെന്ന് ഇന്റലിജന്സ് റിപ്പോര്ട്ടുണ്ട്.
