അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ന്യൂഡൽഹി: ഒമിക്രോൺ വ്യാപന പശ്ചാത്തലത്തിൽ ഞായറാഴ്ച മുതൽ രാത്രി കർഫ്യു പ്രഖ്യാപിച്ച് അസ്സം സർക്കാറും. രാത്രി 11.30 മുതൽ രാവിലെ ആറുവരെയാണ് ജനം പുറത്തിറങ്ങുന്നതിന് നിയന്ത്രണം ഏർപ്പെടുത്തിയത്. പുതുവത്സര ആഘോഷം കണക്കിലെടുത്ത് ഡിസംബർ 31ന് നിയന്ത്രണം ഒഴിവാക്കിയിട്ടുണ്ട്.
ഉത്തർപ്രദേശ്, ഹരിയാന സർക്കാറുകളും കഴിഞ്ഞദിവസം രാത്രികാല കർഫ്യൂ ഏർപ്പെടുത്തിയിരുന്നു. അസ്സമിൽ ഇതുവരെ ഒമിക്രോൺ വകഭേദം സ്ഥിരീകരിച്ചിട്ടില്ല. രാത്രി 10.30നുശേഷം വ്യാപാര സ്ഥാപനങ്ങൾ, റസ്റ്റാറന്റുകൾ, പാൽ ബൂത്തുകൾ ഉൾപ്പെടെയുള്ള വ്യാപാര സ്ഥാപനങ്ങൾ തുറന്നുപ്രവർത്തിക്കാൻ അനുവദിക്കില്ല. രാത്രികാല ജോലിയും അനുവദിക്കില്ലെന്ന് സംസ്ഥാന ദുരന്തനിവാര അതോറിറ്റിയുടെ ഉത്തരവിൽ പറയുന്നു.
