അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.നമ്മുടെ നാട്ടില് ജീവിതത്തില് ഒരിക്കലെങ്കിലും അനുഭവിച്ചിരിക്കേണ്ട കാര്യങ്ങളുടെ ഒരു പട്ടിക തയ്യാറാക്കിയാല് അതില് നിര്ബന്ധമായും ഉള്പ്പെടേണ്ട ഒന്ന് ഇവിടുത്തെ വിന്റര് ട്രക്കിങ്ങുകളാണ്.മഞ്ഞിലെ ഏറ്റവും ലളിതമായ ട്രക്കിങ്ങുകളില് ഒന്നാണ് ഉത്തരകാശിയിലെ ഡോഡിതാല് ട്രക്ക്. സമുദ്രനിരപ്പില് നിന്ന് 3000 മീറ്റര് ഉയരത്തില് സ്ഥിതി ചെയ്യുന്ന ദോഡിതല് ഒരു ചെറിയ തടാകമാണ്. ചുറ്റും ഓക്ക്, റോഡോഡെന്ഡ്രോണ് മരങ്ങളാല് ഇവിടം ചുറ്റപ്പെട്ടിരിക്കുന്നു. തുടക്കക്കാര്ക്കു പോലും എളുപ്പത്തില് പൂര്ത്തിയാക്കുവാന് സാധിക്കുന്ന ഒന്നാണിത്.
സമുദ്രനിരപ്പില് നിന്ന് ഏകദേശം 3500 മീറ്റര് ഉയരത്തില് സ്ഥിതി ചെയ്യുന്ന ഹര്-കി-ഡൂണ് ട്രക്കിങ്ങിനേക്കാള് അധികം ഫോട്ടോഗ്രഫിക്ക് പേരുകേട്ട പ്രദേശമാണ്. ഹിമാലയത്തിലെ ഏറ്റവും മികച്ച ട്രക്കിങ് അനുഭവങ്ങളിലൊന്ന് ഇത് നല്കുന്നു. താലൂക്ക് എന്ന സ്ഥലത്തു നിന്നും ആരംഭിക്കുന്ന ട്രക്കിങ് അവിടുന്ന് ഓസ്ല എന്ന സ്ഥലത്തേയ്ക്ക് മുന്നേറുകയാണ് ചെയ്യുന്നത്. ഇവിടുന്നാണ് ഹര് കി ഡൂണിലോട്ട് കയറുന്നത്.
ഗര്വാള് പ്രദേശത്തിന്റെ മാന്ത്രിക സൗന്ദര്യം പര്യവേക്ഷണം ചെയ്യുന്നതിനുള്ള ഏറ്റവും അനുയോജ്യമായ മാര്ഗമാണ് ബരാദ്സര് തടാകത്തിലേക്കുള്ള ഈ പ്രത്യേക ട്രെക്ക്. താഴ്വരകള് താണ്ടിയും പാറകള് നിറഞ്ഞ പാതകളിലൂടെയും മലനിരകളിലൂടെയും കടന്നുപോകേണ്ടതിനാല് ഈ പ്രാകൃത തടാകത്തിലേക്കുള്ള ഒരു ട്രെക്കിംഗ് സാഹസികതയുള്ള ഒന്നാണ്. ഈ ട്രെക്കിംഗ് ധൗലയില് നിന്ന് ആരംഭിച്ച് ദേവ് ഭാസയിലെ ഒരു വലിയ പുല്മേടിലേക്ക് തുറക്കുന്നതിന് മുമ്ബ് ബിത്രി, ധല്ക്ക ധര്, മസുന്ധ ധര് എന്നിവിടങ്ങളിലേക്ക് നയിക്കുന്നു.
ഹിമാലയന് ട്രക്കിങ് ആണെങ്കില് പോലും വിന്ര് ട്രക്കിങ്ങുകളിലാണ് നന്ദാ ദേവി ട്രക്കിങ്ങിനെ ഉള്പ്പെടുത്തിയിരിക്കുന്നത്. ഗര്വാള് മേഖലയിലെ പ്രധാന ആകര്ഷണങ്ങളിലൊന്നാണിത്. 2290 മീറ്റര് ഉയരത്തില് സ്ഥിതി ചെയ്യുന്ന മുന്സിയാരിയില് നിന്നാണ് ട്രെക്കിംഗ് ആരംഭിക്കുന്നത്. ഹിമാലയത്തിന്റെ മനോഹര കാഴ്ചകളിലേക്ക് നയിക്കുന്നു എന്നതാണ് ഇതിന്റെ പ്രത്യേകത. ഇന്ത്യയിലെ ഏറ്റവും ദുഷ്കരമായ ട്രെക്കിംഗുകളില് ഒന്നായാണ് ഇതിനെ കണക്കാക്കുന്നത്.
ലഡാക്കിലെ ഈ അസാധാരണമായ ട്രെക്കിംഗ് ഇന്ത്യയിലെ ഏറ്റവും പ്രയാസമേറിയ ട്രെക്കുകളില് ഒന്നാണ്. ഇത് സണ്സ്കാര് താഴ്വരയെ ചില്ലിംഗ് ഗ്രാമവുമായി ബന്ധിപ്പിക്കുന്നു, വളരെ തണുത്തുറഞ്ഞ സണ്സ്കര് നദിയിലൂടെ നടന്നു വേണം ഇത് പൂര്ത്തിയാക്കുവാന്. ഇന്ത്യയിലെ ഏറ്റവും എളുപ്പമുള്ള ശൈത്യകാല ട്രെക്കുകളില് ഒന്നാണ് നാഗ് ടിബ്ബ ട്രെക്ക്. മനോഹരമായ ഭൂപ്രകൃതി, ഇടതൂര്ന്ന ദേവദാരു വനങ്ങള്, മനോഹരമായ ഗ്രാമങ്ങള് എന്നിവ ഇവിടെ കാണാം. ഗര്വാള് ഹിമാലയത്തിന്റെ താഴ്വരയില് ആണ് ഈ ട്രക്ക് നടക്കുന്നത്.
