അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.2008ലെ മുംബൈ ആക്രമണക്കേസിലെ പ്രതി മുഹമ്മദ് അജ്മൽ അമീർ കസബിൻ്റെ വധശിക്ഷ തടയണമെന്നാവശ്യപ്പെട്ട് സമർപ്പിച്ച ഹർജിയിൽ ഒപ്പിട്ട 302 പേരിൽ ഒരാളാണ് സമാജ്‌വാദി പാർട്ടി നേതാവ് അഖിലേഷ് യാദവ് എന്ന് നിരവധി സോഷ്യൽ മീഡിയ ഉപയോക്താക്കൾ അവകാശപ്പെട്ടുന്നു.
ബിജെപി ഹരിയാന സോഷ്യൽ മീഡിയ മേധാവി അരുൺ യാദവാണ് ഈ അവകാശവാദം പോസ്റ്റ് ചെയ്തത്. ഈ പോസ്റ്റ് 23,000-ലധികം തവണ ഷെയർ ചെയ്യപ്പെട്ടു. ഹിന്ദു യുവ വാഹിനി ഗുജറാത്ത് ചുമതലയുള്ള യോഗി ദേവനാഥും ക്ലെയിം ട്വീറ്റ് ചെയ്യുകയും 3,000-ത്തിലധികം റീട്വീറ്റുകൾ നേടിയതിന് ശേഷം അത് ഡീലിറ്റ് ചെയുകയും ചെയ്തു.
https://www.facebook.com/plugins/post.php?href=https%3A%2F%2Fwww.facebook.com%2Fbeingarun028%2Fposts%2F1549718612075625&show_text=true&width=500
2012 നവംബർ 21 ന് 25 കാരനായ കസബിനെ വധിച്ചു. ക്രിമിനൽ ഗൂഢാലോചന, രാജ്യത്തിനെതിരെ യുദ്ധം ചെയ്യുക, ഇന്ത്യൻ ശിക്ഷാ നിയമത്തിലെയും തീവ്രവാദ വിരുദ്ധ നിയമം, നിയമവിരുദ്ധ പ്രവർത്തനങ്ങൾ (തടയൽ) നിയമത്തിലെയും വിവിധ വകുപ്പുകൾ എന്നിവ ചുമത്തിയാണ് വധശിക്ഷ ശരിവെച്ചത്.
വധശിക്ഷ നടപ്പാക്കുന്നതിന് ഏതാനും ആഴ്ചകൾക്ക് മുമ്പ്, കസബിൻ്റെ ദയാഹർജി രാഷ്ട്രപതി പ്രണബ് മുഖർജി നവംബർ 5, 2012 ന് നിരസിച്ചു. ഇന്ത്യൻ എക്‌സ്‌പ്രസിൻ്റെ 2012 ലെ റിപ്പോർട്ട് അനുസരിച്ച്, രാഷ്ട്രപതി പ്രണബ് മുഖർജിയെ അഭിസംബോധന ചെയ്ത് ഒരു നിവേദനത്തിൽ 203-ലധികം പേർ ഒപ്പിട്ടിരുന്നു.
മുംബൈ ആസ്ഥാനമായുള്ള അഭിഭാഷകൻ യുഗ് ചൗധരി 2012 ഒക്ടോബർ 28 ന് രാഷ്ട്രപതിക്ക് കത്തെഴുതിയിരുന്നു. രാഷ്ട്രപതിക്ക് അയച്ച ആദ്യ ബാച്ചിൽ 203 പേരാണ് നിവേദനത്തിൽ ഒപ്പിട്ടത്. രാഷ്ട്രപതിക്ക് അയച്ച രണ്ടാമത്തെ ബാച്ചിൽ ഏകദേശം 15-20 ഒപ്പുകൾ കൂടി ലഭിച്ചു- ചൗധരി ദി ഇന്ത്യൻ എക്‌സ്പ്രസിനോട് പറഞ്ഞു.
അഖിലേഷ് യാദവ് ഹർജിയിൽ ഒപ്പിട്ടവരിൽ ഒരാളല്ലെന്ന് അദ്ദേഹം സ്ഥിരീകരിച്ചു. അദ്ദേഹം കൂട്ടിച്ചേർത്തു, “ഈ വിഷയത്തെക്കുറിച്ചുള്ള കൂടുതൽ ചോദ്യങ്ങൾക്ക് ഉത്തരം നൽകാൻ ഞാൻ തയ്യാറല്ല, കാരണം ഒപ്പിട്ടവരെ ആവശ്യത്തിന് ഉപദ്രവിച്ചിരിക്കുന്നു.” ബിജെപി നേതാവ് അരുൺ യാദവ് ഉൾപ്പെടെയുള്ള നിരവധി സോഷ്യൽ മീഡിയ ഉപയോക്താക്കൾ, കസബിൻ്റെ വധശിക്ഷയിൽ മാപ്പ് ആവശ്യപ്പെട്ടുള്ള ഹർജിയിൽ സമാജ്‌വാദി പാർട്ടി നേതാവ് അഖിലേഷ് യാദവ് ഒപ്പിട്ടതായി തെറ്റായി അവകാശപ്പെട്ടു.
