അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.ബംഗളൂരു: കൂനൂർ ഹെലികോപ്റ്റർ ദുരന്തത്തിൽ നിന്ന് രക്ഷപെട്ട ഗ്രൂപ്പ് ക്യാപ്റ്റന് വരുണ് സിങ്ങിന്റെ ആരോഗ്യനിലയില് നേരിയ പുരോഗതിയുണ്ടായതായി കര്ണാടക മുഖ്യമന്ത്രി ബാസവരാജ് ബൊമ്മ.ബംഗളൂരുവിലേക്ക് എത്തിച്ചതിന് ശേഷം വരുണ് സിങ്ങിന്റെ ആരോഗ്യനില മെച്ചപ്പെട്ടു. മരുന്നുകളോട് പ്രതികരിക്കുന്നതായും കര്ണാടക മുഖ്യമന്ത്രി പറഞ്ഞു.
കഴിഞ്ഞ ദിവസം വിദഗ്ധ ചികിത്സക്കായി വെല്ലിങ്ടണിലെ സൈനിക ആശുപത്രിയില് നിന്ന് ബംഗളൂരൂവിലേക്ക് വരുണ് സിങ്ങിനെ മാറ്റുകയായിരുന്നു. ജിവന്രക്ഷാ ഉപകരണങ്ങളുടെ സഹായത്തോടെയാണ് വരുണ് സിങ് ഉള്ളതെന്ന് കഴിഞ്ഞ ദിവസം പ്രതിരോധമന്ത്രി രാജ്നാഥ് സിങ് പാര്ലമെന്റിനെ അറിയിച്ചിരുന്നു. ജീവന് രക്ഷിക്കാന് എല്ലാ ശ്രമങ്ങളും നടത്തുന്നതായും അദ്ദേഹം പറഞ്ഞു.
