അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഇംഗ്ലീഷ് പ്രീമിയര്‍ ലീഗില്‍ സൗത്താപ്റ്റണ് ലെസ്റ്റര്‍ സിറ്റി മത്സരം സമനിലയില്‍. രണ്ടു തവണ പിറകില്‍ പോയ ശേഷം ഗോള്‍ തിരിച്ചടിച്ചു ആണ് ബ്രണ്ടന്‍ റോഡ്‌ജേഴ്‌സിന്റെ ടീം ഒരു പോയിന്റ് സ്വന്തമാക്കിയത്.ഇരു ടീമുകളും നിരവധി അവസരങ്ങള്‍ സൃഷ്ടിച്ച ആവേശകരമായ മത്സരം ആണ് കാണാന്‍ സാധിച്ചത്.
മൂന്നാം മിനിറ്റില്‍ തന്നെ കോര്‍ണറില്‍ നിന്നു ലഭിച്ച അവസരം ഗോള്‍ ആക്കി മാറ്റിയ യാന്‍ ബെഡ്നര്‍ക് മത്സരത്തില്‍ സൗത്താപ്റ്റണ് ലീഡ് സമ്മാനിച്ചു.എന്നാല്‍ 22 മത്തെ മിനിറ്റില്‍ കോര്‍ണറില്‍ നിന്നു ലഭിച്ച അവസരം ലക്ഷ്യത്തില്‍ എത്തിച്ച ജോണി ഇവാന്‍സ് ലെസ്റ്ററിനെ മത്സരത്തില്‍ ഒപ്പമെത്തിച്ചു. 34 മത്തെ മിനിറ്റില്‍ റെഡ്മണ്ടിന്റെ ക്രോസില്‍ നിന്നു ഹെഡറിലൂടെ ഗോള്‍ കണ്ടത്തിയ ചെ ആദംസ് ഒരിക്കല്‍ കൂടി സൗത്താപ്റ്റണെ മത്സരത്തില്‍ മുന്നില്‍ എത്തിച്ചു.
ഇത്തവണ രണ്ടാം പകുതിയുടെ തുടക്കത്തില്‍ തന്നെ ലൂക് തോമസിന്റെ പാസില്‍ നിന്നു ഗോള്‍ കണ്ടത്തിയ ജെയിംസ് മാഡിസണ്‍ ലെസ്റ്ററിനെ ഒരിക്കല്‍ കൂടി ഒപ്പം എത്തിക്കുക ആയിരുന്നു. തുടര്‍ന്ന് ഇരു ടീമുകള്‍ക്കും ഗോള്‍ കണ്ടത്താന്‍ ആവാതിരുന്നതോടെ മത്സരം സമനിലയില്‍ അവസാനിക്കുക ആയിരുന്നു. ലീഗില്‍ നിലവില്‍ ലെസ്റ്റര്‍ എട്ടാം സ്ഥാനത്തും സൗത്താപ്റ്റണ് പതിനാറാം സ്ഥാനത്തും ആണ്.
