ഇരിങ്ങാലക്കുടയിലെ യുവാക്കളുടെ മരണം ഫോർമാലിൻ ഉള്ളിൽച്ചെന്ന്; പോസ്റ്റ്‌മോർട്ടം റിപ്പോർട്ട് പുറത്ത്

തൃ​ശൂ​ർ:  ഇരിങ്ങാലക്കുടയില്‍ യുവാക്കളുടെ മരണത്തിനിടയാക്കിയത് ഫോര്‍മാലിന്‍ ഉള്ളില്‍ച്ചെന്നെന്ന് പോസ്റ്റ്‌മോർട്ടം റിപ്പോർട്ട്. ഫോര്‍മാലിന്‍ മനപൂര്‍വം നല്‍കിയതാണോയെന്ന് അന്വേഷിക്കുമെന്ന് പൊലീസ് അറിയിച്ചു.

പ​ടി​യൂ​ർ എ​ട​തി​രി​ഞ്ഞി ചെ​ട്ടി​യാ​ൽ-​കാ​ട്ടൂ​ർ തേ​ക്കും​മൂ​ല റോ​ഡി​ൽ താ​മ​സി​ക്കു​ന്ന അ​ണ​ക്ക​ത്തി​പ്പ​റ​മ്പി​ൽ പ​രേ​ത​നാ​യ ശ​ങ്ക​ര​ന്‍റെ മ​ക​ൻ ബി​ജു (42), ഇ​രി​ങ്ങാ​ല​ക്കു​ട ച​ന്ത​ക്കു​ന്ന് ക​ണ്ണ​മ്പി​ള്ളി വീ​ട്ടി​ൽ ജോ​സി​ന്‍റെ മ​ക​ൻ നി​ശാ​ന്ത് (44) എ​ന്നി​വ​രാ​ണ് ചാരായമാണെന്ന് കരുതി വിഷദ്രാവകം കഴിച്ച് മരിച്ചത്. ഫോര്‍മാലിന്‍ കഴിച്ചത് ആന്തരികാവയവങ്ങളെ ബാധിച്ചെന്ന് റിപ്പോർട്ടിൽ പറയുന്നു. 

ക​ഴി​ച്ച് ഒ​രു മ​ണി​ക്കൂ​റി​നു​ള്ളി​ൽ ഇ​രു​വ​രു​ടെ​യും ബോ​ധം ന​ഷ്ട​മാ​യി​രു​ന്നു. സം​സാ​രി​ക്കാ​ൻ പോ​ലും ക​ഴി​യാ​ത്ത അ​വ​സ്ഥ​യി​ലാ​യിരുന്നു ഇരുവരും. അസ്വസ്ഥത തോന്നിയതിനെ തുടര്‍ന്ന് ഇരുവരും താലൂക്ക് ആശുപത്രിയിലേക്ക് പോയി. താലൂക്ക് ആശുപത്രിയില്‍ പ്രവേശിപ്പിച്ചുവെങ്കിലും നിശാന്ത് മരണമടഞ്ഞിരുന്നു. 

ഗുരുതരാവസ്ഥയില്‍ ആയിരുന്ന ബിജുവിനെ മെഡിക്കല്‍ കോളേജിലേക്ക് കാെണ്ടു പോയെങ്കിലും മരിക്കുകയായിരുന്നു . നിശാന്തിന്റെ കോഴിക്കടയ്ക്ക് സമീപത്ത് നിന്ന് വെളുത്ത ദ്രാവകവും ഗ്ലാസ്സുകളും പൊലീസ് കണ്ടെടുത്തിട്ടുണ്ട്. ഇത് വിശദമായ പരിശോധനക്ക് അയച്ചിട്ടുണ്ട്.

കോഴിക്കട  ഉടമയായ നിശാന്തിന്റെ പക്കൽ ഫോർമാലിൻ എങ്ങനെ വന്നുവെന്ന് പൊലീസ് അന്വേഷണം തുടങ്ങി. വാങ്ങിവച്ച ചാരായം മറ്റാരെങ്കിലും എടുത്ത് കഴിച്ച ശേഷം പകരം ഫോർമാലിൻ ഒഴിച്ചുവച്ചതാണോയെന്ന് പൊലീസ് അന്വേഷിച്ചു വരികയാണ്.    

ഇ​രി​ങ്ങാ​ല​ക്കു​ട ബി​വ​റേ​ജി​നു സ​മീ​പം ത​ട്ടു​ക​ട ന​ട​ത്തു​ന്ന​യാ​ളാ​ണ് ബി​ജു. അ​വി​വാ​ഹി​ത​നാ​ണ്. ബി​ജു​വി​ന്‍റെ സം​സ്കാ​രം ന​ട​ത്തി. നി​ശാ​ന്തി​ന്‍റെ സം​സ്കാ​രം ബു​ധ​നാ​ഴ്ച രാ​വി​ലെ ന​ട​ക്കും.