അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
കണ്ണൂര്‍: കണ്ണൂര്‍ ധര്‍മ്മടത്ത് നരിവയലില്‍ ബോംബ് സ്ഫോടനത്തില്‍ പന്ത്രണ്ടുകാരന് പരിക്ക്. നരിവയൽ സ്വദേശിയായ ശ്രീവർധിനാണ് പരിക്കേറ്റത്.
കൂട്ടുകാര്‍ക്കൊപ്പം കളിക്കുന്നതിനിടെ ഉപേക്ഷിച്ച നിലയില്‍ കണ്ട ഐസ്ക്രീം ബോള്‍ എടുത്ത് എറിഞ്ഞപ്പോഴാണ് സ്ഫോട‌നുമുണ്ടായത്.
തലശേരിയിലെ സ്വകാര്യ ആശുപത്രിയിൽ പ്രവേശിപ്പിച്ച കുട്ടിയുടെ പരിക്ക് ഗുരുതരമല്ല. കാലിനും നെഞ്ചിലുമാണ് മുറിവേറ്റതെന്നും ഡോക്ടർമാർ പറഞ്ഞു.
പൊലീസ് സ്ഥലത്തെത്തിയിട്ടുണ്ട്. പ്രദേശത്ത് കൂടുതല്‍ ബോംബുകള്‍ ഉണ്ടോ എന്നറിയാന്‍ പരിശോധന ആരംഭിച്ചു.
