പാറക്കെട്ടുകൾക്കിടയിലേക്ക് പരന്നൊഴുകി വീഴുന്ന വെള്ളച്ചാട്ടം ; ചുനയംമാക്കൽ വെള്ളച്ചാട്ടം സഞ്ചാരികളെ ആകർഷിക്കുന്നു

അടിമാലി: വെള്ളത്തൂവൽ ഗ്രാമപഞ്ചായത്ത് പരിധിയിൽ വരുന്ന ചുനയംമാക്കൽ വെള്ളച്ചാട്ടം സഞ്ചാരികളെ ആകർഷിക്കുന്നു. പാറക്കെട്ടുകൾക്കിടയിലേക്ക് പരന്നൊഴുകി വീഴുന്ന വെള്ളച്ചാട്ടത്തിന് വാക്കുകൾക്ക്​ അതീതമായ ഭംഗിയുണ്ട്. വെള്ളച്ചാട്ടത്തി​െൻറ ആകർഷണീയത കേട്ടറിഞ്ഞ് സഞ്ചാരികൾ ഇവിടേക്കെത്തുന്നുണ്ട്.

വെള്ളത്തൂവലിൽ നിന്നും കുഞ്ചിത്തണ്ണിയിൽ നിന്നും ചുനയംമാക്കൽ വെള്ളച്ചാട്ടത്തിലേക്കെത്താം. ജീപ്പിലുള്ള യാത്രയാണ് അഭികാമ്യം. വെള്ളച്ചാട്ടം കണ്ട് ചിത്രങ്ങൾ പകർത്തി മനസ്സ് ​നിറഞ്ഞാണ് സഞ്ചാരികളുടെ മടക്കം. ചുനയംമാക്കൽ വെള്ളച്ചാട്ടത്തിലേക്ക് കൂടുതൽ സഞ്ചാരികളെ ആകർഷിക്കാനും വെള്ളച്ചാട്ടത്തെ പ്രധാന വിനോദസഞ്ചാര കേന്ദ്രമാക്കി മാറ്റാനും ബന്ധപ്പെട്ട വകുപ്പുകളുടെ ഇടപെടൽ ഉണ്ടാകണമെന്ന ആവശ്യം സമീപവാസികൾ മുമ്പോട്ടു​െവക്കുന്നുണ്ട്. വെള്ളച്ചാട്ടത്തിന് സമീപത്തുള്ള പാറക്കെട്ടുകളും ചെറുമരങ്ങളുമൊക്കെ കാഴ്​ചക്ക്​ കൂടുതൽ ഭംഗി നൽകുന്നതാണ്.