അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
പോത്തുമായി രമേഷ് പിഷാരടി (Ramesh Pisharody). ഞെട്ടേണ്ട സംഗതി സത്യമാണ്. മലയാളികളുടെ പ്രിയ നടനും സംവിധായകനും സ്റ്റാൻഡ് അപ്പ് കൊമേഡിയനുമായ രമേഷ് പിഷാരടി തന്റെ പുതിയ സംരംഭമായ പെറ്റ്ഫ്ളിക്സിലെത്തുന്നത് ലോകത്തെ തന്നെ ഏറ്റവും വലിയ പോത്തുകളുടെ വിശേഷവുമായാണ്. തന്റെ യു ട്യൂബ് ചാനലായ രമേഷ് പിഷാരടി എന്റർടെയ്ൻമെന്റ്സിൽ തുടങ്ങിയ പരിപാടിയാണ് പെറ്റ്ഫ്ളിക്സ് (Petflix). നാം നമ്മുടേതാക്കി വളർത്തുന്ന, വളരെ പ്രത്യേകതകളുള്ള പക്ഷിമൃഗാദികളും മറ്റ് ജീവജാലങ്ങളുമൊക്കെ പെറ്റ്ഫ്ളിക്സിൽ അതിഥികളായെത്തും.
ആദ്യ എപ്പിസോഡിൽത്തന്നെ ലോകത്തിലെ തന്നെ ഏറ്റവും വലുപ്പം കൂടിയ പോത്തുകളാണ് വരുന്നത്. രാജമാണിക്യം സിനിമയിലെ ബെല്ലാരി രാജയുടെ കലിപ്പ് തീർക്കാൻ പോണവന്മാരാണ് ഈ പോത്തുകളാണ് ഇവരെന്നാണ് ആദ്യ എപ്പിസോഡിന്റെ തന്നെ തലക്കെട്ട്. 21 കോടി രൂപ വരെ വിലയുള്ള പോത്തുകളുടെ വിശേഷങ്ങൾ ഈ സീരീസിലൂടെ കാണാനാകും.’ഇഷ്ടമുള്ള ജോലി ചെയ്യാൻ കഴിയുക എന്നത് ഒരു വലിയ ഭാഗ്യമാണ്. അങ്ങനെയായാൽപ്പിന്നെ അത് നമുക്കൊരു ജോലിയായി തോന്നുകയില്ല. കഴിഞ്ഞ രണ്ട് ദശകങ്ങളിലായി സ്റ്റേജിലും ടെലിവിഷനിലും സ്റ്റേജിലുമായി ഞാൻ അതു തന്നെയാണ് ചെയ്തുകൊണ്ടിരിക്കുന്നത്. എന്നാൽ, ഇത് അങ്ങനെയുള്ളതൊന്നുമല്ല, ഒരു പുതിയ യാത്രയാണ്. എന്തെങ്കിലും ടെൻഷൻ വന്നാൽ ജീവികളുമായുള്ള സഹവാസമാണ് ഞാൻ കൂടുതലും ചെയ്യുന്നത്.
ഞാൻ ആദ്യം സംവിധാനം ചെയ്തു സിനിമയിലും ജീവികൾ ഒരു പ്രധാന ഭാഗമായിരുന്നു. ജീവികളുമായുള്ള സംസർഗം വളരെ കൂടുതലാണ്. വിദേശരാജ്യങ്ങളിൽ ചെന്നാൽ, ആദ്യം ഓടിച്ചെല്ലുക അവിടുത്തെ മൃഗശാലയിലേക്കാണ്. ഇത് അത്തരത്തിലുള്ള സ്വന്തം ആഗ്രഹപ്രകാരം കാണുന്ന ചില കാഴ്ചകൾ അങ്ങനെതന്നെ കണ്ടു തീർക്കുക എന്നതിലപ്പുറം ആ കാഴ്ചകൾ പ്രക്ഷേകരമായി കൂടി പങ്കുവയ്ക്കുക എന്ന ആശയമാണ് പെറ്റ്ഫ്ളിക്സിനു പിന്നിലുള്ളതെന്ന് രമേഷ് പിഷാരടി പറഞ്ഞു. യു ട്യൂബ് ചാനലിൽ റിലീസ് ചെയ്തതിനു തൊട്ടുപിന്നാലെ തന്നെ പെറ്റ്ഫ്ളിക്സ് തരംഗമായിരിക്കുകയാണ്.
രമേഷ് പിഷാരടിക്കൊപ്പം ഗായകനായ സമദ് സുലൈമാനുമുണ്ട്. പ്രോഗ്രാമിന്റെ അവതാരികയായെത്തുന്നത് അന്ന ചാക്കോയാണ്. ഈ പരിപാടി സംവിധാനം ചെയ്തിരിക്കുന്നത് അബ്ബാസാണ്. കാമറ നിരഞ്ജ് സുരേഷ്, എഡിറ്റർ എം എസ്. സുധീഷ്.
============================================================================ വാര്ത്തകള് യഥാസമയം അറിയാന്… Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
