അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
കൊച്ചി : കൊച്ചിയില് കോണ്ഗ്രസ് സമരത്തിനിടെ നടന് ജോജുവിനെതിരെയുണ്ടായ ആക്രമണത്തില് മുന് മേയര് ടോണി ചമ്മണി അടക്കം എഴുകോണ്ഗ്രസ് നേതാക്കള്ക്കെതിരെ പൊലീസ് കേസെടുത്തു. ജാമ്യമില്ലാകുറ്റം ചുമത്തിയാണ് കേസെടുത്തിരിക്കുന്നത്.
ജോജുവിനെ വാഹനം തടഞ്ഞ് ആക്രമിച്ചത് മുന് മേയര് ടോണി ചമ്മിണിയുടെ നേതൃത്വത്തിലുള്ള ഏഴംഗ സംഘമാണെന്നാണ് പോലീസ് എഫ്.ഐ.ആറില് പറയുന്നത്. ചമ്മിണി ഉള്പ്പെടുന്ന സംഘം വാഹനം തടഞ്ഞു. ജോജുവിന്റെ ഷര്ട്ടിന് കുത്തിപ്പിടിച്ച് അസഭ്യം പറഞ്ഞു. വാഹനത്തിന്റെ ചില്ല് കല്ലുകൊണ്ട് ഇടിച്ചുതകര്ത്തുവെന്നും എഫ്.ഐ.ആര് പറയുന്നു. പോലീസ് കണക്കുകൂട്ടല് പ്രകാരം ആറ് ലക്ഷം രൂപയുടെ നഷ്ടമാണ് വാഹനത്തിനുണ്ടായത്.
സംഭവത്തില് പ്രതികള്ക്കെതിരേ പിഡിപിപി ആക്ട് സെക്ഷന് 5 ഉള്പ്പെടെയുള്ള ജാമ്യമില്ലാ വകുപ്പുകള് ചുമത്തിയിട്ടുണ്ട്. ജോജുവിന്റെ പരാതിയില് മരട് പോലീസ് ആണ് കേസെടുത്തിരിക്കുന്നത്.
ദിനംപ്രതിയെന്നോണം ഇന്ധനവില കുതിച്ചുയരുന്ന പശ്ചാത്തലത്തിലാണ് ദേശീയ പാത ഉപരോധിക്കാന് കോണ്ഗ്രസ് തീരുമാനിച്ചത്. ഇതിനെ തുടര്ന്ന് ദേശീയ പാതയില് ഇടപ്പള്ളി മുതല് വൈറ്റില വരെയുള്ള ഭാഗത്ത് വാഹനഗതാഗതം സ്തംഭിച്ചിരുന്നു. ഗതാഗതകുരുക്ക് രൂക്ഷമായതോടെ വാഹനങ്ങളുടെ നീണ്ട നിരയാണ് പ്രത്യക്ഷപ്പെട്ടത്. ഇതില് കുടുങ്ങിയതോടെയാണ് ജോജു പ്രതിഷേധവുമായി രംഗത്തുവന്നത്. ജോജുവിനെതിരെ കോണ്ഗ്രസ് പ്രവര്ത്തകര് രംഗത്തെത്തിയതോടെ നടുറോഡില് രൂക്ഷമായ വാക്കുതര്ക്കമാണ് ഉണ്ടായത്.
രണ്ട് മണിക്കൂറോളമായി ആളുകള് കഷ്ടപ്പെടുകയാണെന്നും താന് ഷോ കാണിക്കാന് വന്നതല്ലെന്നും ജോജു ആവര്ത്തിച്ചുപറഞ്ഞു. തനിക്ക് കൂടുതലായി ഒന്നും പറയാനില്ലെന്നും സമരം ചെയ്യുന്നവരോട് ചോദ്യങ്ങള് ചോദിക്കണമെന്നും നടന് മാധ്യമപ്രവര്ത്തകരോടും പ്രതികരിച്ചു.
ഇതിനുപിന്നാലെ സംഭവസ്ഥലത്ത് കൈയാങ്കളിയും സംഘര്ഷാവസ്ഥയും ഉടലെടുക്കുകയായിരുന്നു. ജോജുവിന്റെ ലാന്ഡ് റോവര് ഡിഫന്ഡര് കാറിന്റെ ചില്ലാണ് അക്രമികള് അടിച്ചുതകര്ത്തത്. നടന് നേരേ കൈയേറ്റശ്രമവുമുണ്ടായി.
.
============================================================================
വാര്ത്തകള് യഥാസമയം അറിയാന്…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9
Subscribe Anweshanam Youtube: https://youtube.com/c/Anweshanamlive
Follow Anweshanam Google News: https://rb.gy/0tbxgdagain/cid4795157.htm
Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
