അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
ലക്സംബർഗ്ഗ്: കഞ്ചാവ്(cannabis) വീട്ടില് വളര്ത്തുന്നതും ഉപയോഗിക്കുന്നതും നിയമാനുസൃതമാക്കി ലക്സംബർഗ്(Luxembourg). ലക്സംബർഗിലെ പ്രായപൂര്ത്തിയായവര്ക്ക് അവരുടെ വീടുകളിലോ തോട്ടങ്ങളിലോ നാല് കഞ്ചാവ് ചെടികൾ വരെ വളര്ത്താന് ഇതുവഴി അനുമതി ലഭിക്കും. പൊതു ഇടങ്ങളിൽ കഞ്ചാവ് വളർത്താൻ അനുവദിക്കില്ല.
പതിനെട്ട് വയസിന് മുകളിലുള്ളവര്ക്ക് സ്വന്തം ആവശ്യത്തിനായി നാല് കഞ്ചാവ് ചെടികള് വരെ വീട്ടില് വളര്ത്താം. ഇതിനായി നിയന്ത്രണങ്ങളൊന്നുമില്ലാതെ തന്നെ കടകളിലോ ഓണ്ലൈനിലോ വിത്തുകള് വാങ്ങാന് കഴിയുമെന്നും സര്ക്കാര് അറിയിക്കുന്നു.
3 ഗ്രാം കഞ്ചാവ് കൈവശം വയ്ക്കുന്നത് ക്രിമിനൽ കുറ്റമായി കണക്കാക്കില്ലെങ്കിലും മൂന്ന് ഗ്രാമിന് മുകളിൽ കൈവശം വച്ചാൽ അവരെ ഡീലറായി കണക്കാക്കുമെന്നും നീതിന്യായ മന്ത്രി സാം ടാംസൺ പറഞ്ഞു. വളർന്ന സസ്യങ്ങളുടെ വിപണനം രാജ്യത്ത് ഇതുവരെ അനുവദിച്ചിട്ടില്ല. വലിയ തോതിലുള്ള ഉൽപാദന ശൃംഖല പ്രോത്സാഹിക്കില്ല. ആളുകൾക്ക് കടകളിൽ നിന്ന് വിത്ത് വാങ്ങാം. അവ ഇറക്കുമതി ചെയ്യുകയോ ഓൺലൈനിൽ വാങ്ങുകയോ ചെയ്യാം.
“ഇത് വീട്ടിൽ വളർത്താൻ ആളുകളെ അനുവദിച്ചുകൊണ്ട് ആരംഭിക്കാൻ ഞങ്ങൾ ആഗ്രഹിക്കുന്നു. ഒരു ഉപഭോക്താവ് കഞ്ചാവ് ഉപയോഗിക്കുകയാണെങ്കിൽ അയാൾ നിയമവിരുദ്ധമായ അവസ്ഥയിലാവരുത്. ഉൽപ്പാദനം മുതൽ കച്ചവടം വരെയുള്ള മുഴുവൻ നിയമവിരുദ്ധ ശൃംഖലയെയും ഞങ്ങൾ പിന്തുണയ്ക്കുന്നില്ല എന്നതാണ് ആശയം. അനധികൃത കരിഞ്ചന്തയിൽ നിന്ന് കൂടുതൽ കൂടുതൽ രക്ഷപ്പെടാൻ ഞങ്ങളാൽ കഴിയുന്നതെല്ലാം ചെയ്യാൻ ഞങ്ങൾ ആഗ്രഹിക്കുന്നു”, എന്നും അദ്ദേഹം പറഞ്ഞു.
മുമ്പ് കഞ്ചാവ് ഉപയോഗിക്കുന്നത് നിരോധിക്കാൻ സർക്കാർ ശ്രമിച്ചിരുന്നെങ്കിലും അതിൽ പരാജയപ്പെട്ടത്തിന്റെ അടിസ്ഥാനത്തിലാണ് പുതിയ രീതി. പുതിയ തീരുമാനം നടപ്പിലാക്കുന്നതോടെ പൗരന്മാർ കഞ്ചാവ് ഉചിതമായ രീതിയിൽ ഉപയോഗിക്കുമെന്നാണ് പ്രതീക്ഷയെന്ന് അധികൃതർ വ്യക്തമാക്കി.
============================================================================
വാര്ത്തകള് യഥാസമയം അറിയാന്…
Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9
Subscribe Anweshanam Youtube: https://youtube.com/c/Anweshanamlive
Follow Anweshanam Google News: https://rb.gy/0tbxgdagain/cid4795157.htm
Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe
