കണ്ണൂരിൽ സ്‌കൂള്‍ വളപ്പില്‍ ശുചീകരണത്തിനിടെ ബോംബ് കണ്ടെത്തി

കണ്ണൂര്‍: കണ്ണൂര്‍ ആറളം ഹയര്‍ സെക്കന്‍ഡറി സ്കൂളില്‍  നിന്ന് രണ്ട് നാടന്‍ബോംബുകള്‍ കണ്ടെത്തി. ശുചീകരണത്തിനിടെ ശുചിമുറിയില്‍ നിന്നാണ് ബോംബുകള്‍ കണ്ടെടുത്തത്. രണ്ട് ബക്കറ്റില്‍ ഉമിക്കരിയില്‍ പൊതിഞ്ഞുവച്ച നിലയിലായിരുന്നു ബോംബുകള്‍.

മാസങ്ങളായി സ്‌കൂളുകള്‍ അടഞ്ഞ് കിടക്കുന്ന സാഹചര്യത്തില്‍ സ്‌കൂള്‍ വൃത്തിയാക്കുന്നതിനായാണ് അധ്യാപകരും വിദ്യാര്‍ഥികളും സ്‌കൂളിലെത്തിയത്. അതിനിടെയാണ് സ്‌കൂളിലെ ശുചിമുറിയില്‍ രണ്ട് ബക്കറ്റില്‍ ഒളിപ്പിച്ച നിലയില്‍ നാടന്‍ ബോംബുകള്‍ കണ്ടെടുത്തത്. ഉടന്‍ തന്നെ അധ്യാപകര്‍ പോലീസില്‍ വിവരം അറിയിക്കുകയായിരുന്നു.

തുടർന്ന് പോലീസും ബോംബ് സ്‌ക്വാഡും(Bomb Squad) സംഭവസ്ഥലത്തെത്തി ബോംബ് നീര്‍വീര്യമാക്കി. സംഭവത്തില്‍  അന്വേഷണം ആരംഭിച്ചതായി പോലീസ് പറഞ്ഞു. നേരത്തെ ഈ പ്രദേശത്ത് ഇത്തരം സംഭവങ്ങള്‍ ഉണ്ടായിട്ടില്ലെന്നും സ്‌കൂളുകള്‍ അടഞ്ഞുകിടക്കുന്ന സാഹചര്യത്തില്‍ ആരെങ്കിലും ഇവിടെ ഒളിപ്പിച്ചതാവാമെന്നാണ് പോലീസ് പറയുന്നത്.

============================================================================

വാര്‍ത്തകള്‍ യഥാസമയം അറിയാന്‍…

Join Anweshanam WhatsApp Group: https://chat.whatsapp.com/JHLCbFc9MhbCtdPC6grlJ9 Subscribe Anweshanam Youtube: https://youtube.com/c/Anweshanamlive Follow Anweshanam Google News: https://rb.gy/0tbxgdagain/cid4795157.htm Follow Anweshanam Dailyhunt: https://m.dailyhunt.in/news/india/malayalam/anweshanam-epaper-anwe