അഫ്ഗാൻ വനിതാ ദേശീയ യൂത്ത് വോളിബോൾ താരത്തെ താലിബാൻ തലയറുത്ത് കൊന്നെന്ന മാധ്യമ റിപ്പോർട്ടുകൾ വ്യാജം

ഒക്‌ടോബർ 20 ന്, അഫ്ഗാൻ വനിതാ ദേശീയ യൂത്ത് വോളിബോൾ താരം മഹ്‌ജബിൻ ഹക്കിമിയെ തീവ്രവാദ സംഘടന തലയറുത്ത് കൊന്നതായി നിരവധി മാധ്യമങ്ങൾ റിപ്പോർട്ട് ചെയ്തു. മലയാളത്തിലെ മാധ്യമങ്ങൾ ഉൾപ്പെടെ ദേശീയ മാധ്യമങ്ങളെ ഉദ്ധരിച്ചും അല്ലാതെയും ഈ വാർത്ത റിപ്പോർട്ട് ചെയ്തു. അങ്ങനെ താലിബാന്റെ അക്രമങ്ങളുടെ അക്കൗണ്ടിൽ ഈ വ്യാജ വാർത്തകൂടി എഴുതിച്ചേർക്കപ്പെട്ടു.

എഎൻഎസ്, ദി ടൈംസ് ഓഫ് ഇന്ത്യ, സീ ന്യൂസ്, ദി ട്രിബ്യൂൺ, ന്യൂസ് 18, എബിപി ലൈവ്, ഇന്ത്യ ടുഡേ, ഇന്ത്യ ടൈംസ്, ഇൻഷോർട്ട്‌സ്, ഇന്ത്യ ഡോട്ട് കോം, നോർത്ത് ഈസ്റ്റ് നൗ, ഡിഎൻഎ, ദി ബ്രിഡ്ജ്, എന്നിവയായിരുന്നു ആരോപണവിധേയമായ വാർത്തകൾ പ്രചരിപ്പിച്ച ഇന്ത്യൻ വാർത്താ ഏജൻസികൾ. ഏഷ്യാനെറ്റ് ന്യൂസും വൺ ഇന്ത്യ കന്നഡയും ഇവരുടെ കൂട്ടത്തിൽ ഉണ്ട്.

അതുപോലെ ഓൺലൈൻ മാധ്യമങ്ങളായ തെലുങ്ക് വാർത്താ വെബ്‌സൈറ്റ് സാക്ഷി, തമിഴ് വാർത്താ വെബ്സൈറ്റ് ഡെയ്‌ലി തന്തി, ദി ഇന്ത്യൻ എക്സ്പ്രസ് ഗ്രൂപ്പിന്റെ മറാത്തി ഭാഷാ വാർത്താ വെബ്‌സൈറ്റ് ലോകസത്ത, ലോകമത്, ബംഗാളി വാർത്താ വെബ്‌സൈറ്റ് സാംഗ്ബാദ് പ്രതിദിൻ, ഏറ്റവും പുതിയ ബംഗ്ലാ, കന്നഡ ഭാഷാ വാർത്താ പ്ലാറ്റ്‌ഫോമുകൾ ന്യൂസ് ബിടിവി, ഉദയ വാണി, പഞ്ചാബി ഭാഷാ വാർത്താ വെബ്സൈറ്റ് പുഞ്ച കേസരി, കനക് ന്യൂസ്, ഒഡിയ ഭാഷാ വെബ്‌സൈറ്റ് കനക് ന്യൂസ്, ആർഎസ്എസ് മുഖപത്രമായ ഓർഗനൈസർ, ബിജെപി അനുകൂല പ്രചാരക ഔട്ട്‌ലെറ്റ് ഒപ്ഇന്ത്യ എന്നിവരും ഇക്കാര്യം റിപ്പോർട്ട് ചെയ്തു.

അഫ്ഗാനിസ്ഥാൻ താലിബാൻ ഏറ്റെടുത്തത് രാജ്യത്തെ സ്ത്രീകളുടെ അവകാശങ്ങൾക്ക് തിരിച്ചടിയാണ്. കടുത്ത ഭരണത്തിനെതിരെ നിരവധി സ്ത്രീകൾ പ്രതിഷേധവുമായി തെരുവിലുണ്ട്. ഈ സാഹചര്യം മുതലെടുത്ത് നിരവധി വ്യാജ വാർത്തകളും പരക്കുന്നുണ്ട്. അത്തരത്തിൽ ഒന്നായിരുന്നു  അഫ്ഗാൻ വനിതാ ദേശീയ യൂത്ത് വോളിബോൾ താരം മഹ്‌ജബിൻ ഹക്കിമിയെ തീവ്രവാദ സംഘടന തലയറുത്ത് കൊന്നതായി വന്ന വാർത്തകൾ.

#UPDATE: Mah Jabin, 20, who was beheaded by #Taliban On the first days of the fall of #Kabul was a police officer as well as a member of female National Volleyball Team of #Afghanistan. The Persian Independent reporter has saw the funeral invitation calling her Martyr. pic.twitter.com/g8UBCA9tJp

— Massoud Hossaini (@Massoud151) October 20, 2021

വോളിബോൾ ടീമിന്റെ പരിശീലകൻ (സൊറയ അഫ്സലി എന്ന ഓമനപ്പേരിൽ അഭിസംബോധന ചെയ്ത) വോളിബോൾ ടീമിന്റെ പരിശീലകൻ, ഒക്ടോബർ ആദ്യം മഹ്ജബിൻ കൊല്ലപ്പെടാൻ സാധ്യതയുണ്ടെന്ന് പറഞ്ഞെങ്കിലും, ഈ വാർത്തകളിൽ പലതും സ്വതന്ത്ര പേർഷ്യനിലേക്ക് വാർത്തകൾ എത്തിച്ചു, പക്ഷേ അവളുടെ കുടുംബത്തിന് ഭീഷണി ലഭിച്ചതിനാൽ സംഭവം മറച്ചുവെച്ചു.

മസൂദ് ഹൊസൈനി, അഫ്ഗാനിസ്ഥാനിലെ ടോളോ ടിവിയിലെ പത്രപ്രവർത്തകയായ നാദിയ നയാബ് എന്നിവരുൾപ്പെടെ അഫ്ഗാനിസ്ഥാനിലെ ഒന്നിലധികം പത്രപ്രവർത്തകരും ഇത് അവകാശപ്പെട്ടു. ഫ്രാൻസ് ആസ്ഥാനമായുള്ള പത്രപ്രവർത്തകനും അഫ്ഗാനിസ്ഥാൻ കൾച്ചർ ഫൗണ്ടേഷൻ സെക്രട്ടറി ജനറലുമായ മൊസ്തഫ ഹസാരയും ഇതേ അവകാശവാദം ഉന്നയിച്ചു.

എന്നാൽ വാസ്തവം മറ്റൊന്നായിരുന്നു. ഓഗസ്റ്റ് ആദ്യവാരത്തിലായിരുന്നു മഹ്‌ജബിൻ ഹക്കിമി മരിക്കുന്നത്. അതായത് താലിബാൻ അഫ്ഗാനിസ്ഥാന്റെ ഭരണം ഏറ്റെടുക്കുന്നതിന് മുൻപ്. ഓഗസ്റ്റ് 15 നായിരുന്നു താലിബാൻ ഭരണം ഏറ്റെടുത്തത്. അതായത് താലിബാൻ ഭരണം ഏറ്റെടുക്കുന്നതിന് മുൻപ് നടന്ന മഹ്‌ജബിൻ ഹക്കിമിയുടെ മരണമാണ് ഇപ്പോൾ തെറ്റായി പ്രചരിക്കുന്നത്.

https://www.facebook.com/plugins/post.php?href=https%3A%2F%2Fwww.facebook.com%2Fphoto.php%3Ffbid%3D2985414488365397%26set%3Da.1387252758181586%26type%3D3&show_text=true&width=500

Guys, spoke to a family member of Ms. Hakimi and have deleted the tweets about her death. Please consider the family’s request and delete them too. The news about the cause of her death is misleading. Please do pray for her peace. RIP

— Deepa. K. Parent (@DeepaParent) October 19, 2021

2020 ൽ ഒരു മജീദ് ഖാൻ എന്നയാളുമായി മഹജാബിൻ വിവാഹനിശ്ചയം നടത്തിയിരുന്നതായി കുടുംബാംഗങ്ങൾ അറിയിച്ചു. അതിനുശേഷം കാബൂളിലെ കൂട്ടുകുടുംബ സംവിധാന പ്രകാരം അവൾ തന്റെ പ്രതിശ്രുത വരന്റെ വീട്ടിൽ താമസിച്ച് വരികയായിരുന്നു. ഇവിടെ നിന്നാണ് അവർ മരിക്കുന്നത്. എന്നാൽ ഈ മരണവും ഒരു സ്വാഭാവിക മരണം ആയിരുന്നില്ല. യുഎസിൽ നിന്ന് മഹാജബിന് സ്കോളർഷിപ്പ് ഉണ്ടായിരുന്നുവെന്നും ഇത് അവളുടെ അമ്മായിയമ്മയുമായുള്ള സംഘർഷത്തിന് കാരണമായെന്നും ബന്ധു വെളിപ്പെടുത്തി. മരണത്തിന് തൊട്ടുമുമ്പ് മഹ്ജാബിൻ വിവാഹം കഴിക്കാനിരിക്കുകയായിരുന്നു.