അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.
പത്തനംതിട്ട∙ കല്ലൂപ്പാറ മുൻ എംഎൽഎ സി.എ.മാത്യു (CA Mathew) അന്തരിച്ചു. 87 വയസായിരുന്നു. വാര്‍ധക്യസഹജമായ അസുഖത്തെ തുടര്‍ന്ന് പുഷ്പഗിരി മെഡിക്കൽ കോളജ് ആശുപത്രിയിലാണ് അന്ത്യം. സംസ്കാരം പിന്നീട്.
1987 മുതൽ 1991 വരെ കല്ലൂപ്പാറ എംഎൽഎയായിരുന്നു. 1980 ലും 1982 ലും കല്ലൂപ്പാറ നിയോജക മണ്ഡലത്തിൽനിന്നും 1991ൽ ആറന്മുള മണ്ഡലത്തിൽനിന്നും മത്സരിച്ചെങ്കിലും പരാജയപ്പെട്ടു. കോൺഗ്രസ് (എസ്) പ്രതിനിധിയായാണ് മത്സരിച്ചിരുന്നത്.
കോണ്‍ഗ്രസ്‌ (എസ്) ജില്ലാ പ്രസിഡന്‍റ്‌, കൊറ്റനാട് പഞ്ചായത്ത്‌ അംഗം തുടങ്ങിയ നിലകളിലും പ്രവര്‍ത്തിച്ചു. വലിയകുന്നം സെന്‍റ് മേരീസ്‌ സ്കൂള്‍ റിട്ടയേര്‍ഡ് അധ്യാപകനായ സി.എ മാത്യു കൊറ്റനാട് കുമ്ബളന്താനം ചെറുകര കുടുംബാംഗമാണ്.
ഏലിയാമ്മ മാത്യു ആണ് ഭാര്യ. മക്കൾ: സുനിൽ, സുജ, സുമ, സുഷ.
