മാ​സ്ക് ധ​രി​ക്കാ​ത്ത​വ​ർ​ക്കെ​തി​രെ ക​ർ​ശ​ന ന​ട​പ​ടി​; യാ​തൊ​രു​വി​ധ ഇ​ള​വും അ​നു​വ​ദി​ക്കി​ല്ലെന്ന് മു​ഖ്യ​മ​ന്ത്രി

തിരുവനന്തപുരം: സംസ്ഥാനത്ത് മാ​സ്ക് ധ​രി​ക്കാ​ത്ത​വ​ർ​ക്കെ​തി​രെ ക​ർ​ശ​ന ന​ട​പ​ടി കൈ​ക്കോ​ള്ളുമെന്ന് മുഖ്യമന്ത്രി പിണറായി വിജയൻ. ഇ​ക്കാ​ര്യ​ത്തി​ൽ യാ​തൊ​രു​വി​ധ ഇ​ള​വും അ​നു​വ​ദി​ക്കി​ല്ലെ​ന്നും മു​ഖ്യ​മ​ന്ത്രി വ്യ​ക്ത​മാ​ക്കി.

പൊതുയിടങ്ങളിലും വ്യാപാര സ്ഥാപനങ്ങളിലും ചിലർ മാസ്ക് ധരിക്കാത്തത് ശ്രദ്ധയിൽ പെട്ടിട്ടുണ്ട്. ഇവർക്കെതിരെ നടപടി സ്വീകരിക്കുമെന്നും മുഖ്യമന്ത്രി വ്യക്തമാക്കി.  

സം​സ്ഥാ​ന​ത്ത് കോ​വി​ഡ് ഏറെക്കുറെ നിയന്ത്രണ വിധേയമായിക്കഴിഞ്ഞു. കോ​വി​ഡ് ഗു​രു​ത​ര കേ​സു​ക​ൾ ഇ​പ്പോ​ൾ കു​റ​യു​ന്നു​ണ്ട്. രോ​ഗ​മു​ക്തി നേ​ടു​ന്ന​വ​രു​ടെ എ​ണ്ണം വ​ർ​ധി​ച്ച​താ​യും മു​ഖ്യ​മ​ന്ത്രി പ​റ​ഞ്ഞു.

സം​സ്ഥാ​ന​ത്ത് ഒ​രു​കോ​ടി​യി​ലേ​റെ പേ​ർ ര​ണ്ടാ​മ​ത്തെ ഡോ​സ് വാ​ക്‌​സി​ൻ എ​ടു​ത്തു ക​ഴി​ഞ്ഞു. മു​തി​ർ​ന്ന പൗ​ര​ന്മാ​ർ വാ​ക്‌​സി​ൻ എ​ടു​ക്കു​ന്ന​തി​ൽ വി​മൂ​ഖ​ത കാ​ണി​ക്ക​രു​തെ​ന്നും ഇ​ത്ത​രം സാ​ഹ​ച​ര്യം ഒ​ഴി​വാ​ക്ക​ണ​മെ​ന്നും മു​ഖ്യ​മ​ന്ത്രി വാ​ർ​ത്താ​സ​മ്മേ​ള​ന​ത്തി​ൽ അ​റി​യി​ച്ചു.

അതേസമയം, സംസ്ഥാനത്ത് ഇന്ന് 19,675 പേർക്ക് കോവിഡ്-19 സ്ഥിരീകരിച്ചു. 1,19,594 പരിശോധനകൾ നടന്നു. 142 മരണം കോവിഡ് മൂലമെന്ന് സ്ഥിരീകരിച്ചു. കഴിഞ്ഞ 24 മണിക്കൂറിനിടെ 1,19,594 സാമ്പിളുകളാണ് പരിശോധിച്ചത്.