സുഹൃത്ത് പറഞ്ഞ് പറ്റിച്ചു; കിട്ടിയത് മോർഫ് ചെയ്ത ടിക്കറ്റെന്ന് സെ​യ്ത​ല​വി

കോ​ഴി​ക്കോ​ട്: തി​രു​വോ​ണം ബ​മ്പ​ർ അ​ടി​ച്ചു​വെ​ന്ന് പ​റ​ഞ്ഞ് ത​ന്നെ തെ​റ്റി​ദ്ധ​രി​പ്പി​ച്ച​ത് സു​ഹൃ​ത്താ​ണെ​ന്ന് സെ​യ്ത​ല​വി. ലോ​ട്ട​റി അ​ടി​ച്ചെ​ന്ന് സു​ഹൃ​ത്താ​യ അ​ഹ​മ്മ​ദ് വി​ശ്വ​സി​പ്പി​ച്ചു. അ​ഹ​മ്മ​ദ് പി​ന്നീ​ട് ഇ​ത് തി​രു​ത്തി​പ്പ​റ​ഞ്ഞി​ല്ലെ​ന്നും സെ​യ്ത​ല​വി മാ​ധ്യ​മ​ങ്ങ​ളോ​ട് പ​റ​ഞ്ഞു.

ഇന്നലെ അയച്ചത് മോർഫ് ചെയ്ത ടിക്കറ്റായിരുന്നു. പതിനൊന്നാം തിയ്യതി അയച്ചുതന്ന ടിക്കറ്റ്‌ ഫോണിൽ നിന്ന് ഡിലീറ്റ് ആയി എന്നുമാണ് സെയ്തലവിയുടെ വാദം.  11 ന് അഹമ്മദിന് ഗൂഗിളിൽ പണം അയച്ചതിന്റെ ഫോട്ടോയും സെയ്തലവി മാധ്യമങ്ങൾക്ക് മുന്നിൽ പ്രദർശിപ്പിച്ചു. 

ഈ ​വ​ർ​ഷ​ത്തെ തി​രു​വോ​ണം ബ​മ്പ​ർ ദു​ബാ​യി​ലെ ഹോ​ട്ട​ൽ ജീ​വ​ന​ക്കാ​ര​നാ​യ വ​യ​നാ​ട് പ​ന​മ​രം സ്വ​ദേ​ശി സെ​യ്ത​ല​വി​ക്കെ​ന്നാ​യി​രു​ന്നു ആ​ദ്യം പ്ര​ച​രി​ച്ച​ത്. എ​ന്നാ​ൽ യ​ഥാ​ർ​ഥ​ത്തി​ൽ ലോ​ട്ട​റി അ​ടി​ച്ച​ത് തൃ​പ്പൂ​ണി​ത്തു​റ മ​ര​ട് സ്വ​ദേ​ശി​യും ഓ​ട്ടോ ഡ്രൈ​വ​റു​മാ​യ ജ​യ​പാ​ല​നാ​ണെ​ന്ന് പി​ന്നീ​ട് തെ​ളി​യു​ക​യാ​യി​രു​ന്നു.

അ​തേ​സ​മ​യം, ഫേ​സ്ബു​ക്കി​ല്‍ നി​ന്ന് ല​ഭി​ച്ച ടി​ക്ക​റ്റി​ന്‍റെ ഫോ​ട്ടോ​യാ​ണ് താ​ന്‍ സെ​യ്ത​ല​വി​ക്ക് അ​യ​ച്ചു കൊ​ടു​ത്ത​തെ​ന്ന് സു​ഹൃ​ത്ത് അ​ഹ​മ്മ​ദും പ​റ​ഞ്ഞു. ത​ന്‍റെ കൈ​യി​ല്‍ ലോ​ട്ട​റി ടി​ക്ക​റ്റു​ക​ള്‍ ഇ​ല്ലെ​ന്നും ഇ​പ്പോ​ള്‍ ന​ട​ക്കു​ന്ന ച​ര്‍​ച്ച​ക​ളെ​ക്കു​റി​ച്ച് ത​നി​ക്കൊ​ന്നും അ​റി​യി​ല്ലെ​ന്നും അ​ഹ​മ്മ​ദ് വി​ശ​ദീ​ക​രി​ച്ചു.

ഇന്നലെ 4.36 നാണ് സെയ്തലവിക്ക് ലോട്ടറി ടിക്കറ്റ് അയച്ചത്. തമാശയ്ക്ക് അയച്ചു കൊടുക്കുകയായിരുന്നു. സെയ്തലവിക്ക് ലോട്ടറി അടിച്ചു എന്ന് പറഞ്ഞിട്ടില്ല. പൊലീസിൽ പരാതി കൊടുക്കുന്ന കാര്യം ആലോചിക്കുമെന്നും സൈബർ സെൽ പരിശോധിക്കട്ടെയെന്നും അഹമ്മദ് കൂട്ടിച്ചേർത്തു.