അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.
മധുര: തമിഴ്നാട് മധുരയില് നിര്മ്മാണത്തിലിരുന്ന പാലം തകർന്ന് ഒരാൾ മരിച്ചു. പാലത്തിന്റെ നിര്മാണ ജോലിക്കാരനായ ഉത്തര്പ്രദേശ് സ്വദേശി അകാശ് സിങ് (45) ആണ് മരിച്ചത്. രണ്ട് പേര്ക്ക് പരിക്കേറ്റതായാണ് റിപ്പോര്ട്ട്.
ശനിയാഴ്ച വൈകിട്ടോടെയാണ് അപകടമുണ്ടായത്. നാഥം റോഡിലുള്ള പാലത്തിന്റെ ഒരുഭാഗമാണ് തകര്ന്നുവീണത്.
അപകടത്തിൽ പരിക്കേറ്റവരെ ഉടന് തന്നെ അടുത്തുള്ള ആശുപത്രിയിലേക്ക് മാറ്റി. നിര്മാണം പുരോഗമിക്കുന്ന പാലത്തില്നിന്ന് വലിയ കോണ്ക്രീറ്റ് ബ്ലോക്ക് താഴേക്ക് പതിക്കുകയായിരുന്നു. ഏകദേശം 70 ടണ് ഭാരമാണ് ഒരു കോണ്ക്രീറ്റ് ബ്ലോക്കിനുള്ളത്. അപകടത്തിന്റെ കാരണം സംബന്ധിച്ച വിവരങ്ങള് ലഭ്യമായിട്ടില്ല.
അഗ്നിരക്ഷാ സേനയും പൊലീസും രക്ഷാപ്രവര്ത്തനം തുടരുകയാണ്.
