അന്വേഷണം വാർത്തകൾ ലഭിക്കാന് വാട്സാപ്പ് ചാനലില് ചേരൂ.തിരുവനന്തപുരം: വീടുകളില് നിന്നും കോവിഡ് ബാധിക്കുന്നവരുടെ എണ്ണം വര്ധിക്കുന്നതായി ആരോഗ്യ വകുപ്പ് മന്ത്രി വീണാ ജോര്ജ് അറിയിച്ചു. 35 ശതമാനത്തോളം ആളുകള്ക്ക് രോഗം ബാധിക്കുന്നത് വീടുകളില് നിന്നാണെന്നാണ് ആരോഗ്യ വകുപ്പിന്റെ പഠനം വ്യക്തമാക്കുന്നത്. അതിനാൽ ഹോം ക്വാറന്റൈൻ നിയന്ത്രണങ്ങൾ സർക്കാർ ഏർപ്പെടുത്തും.
വീട്ടില് ഒരാള്ക്ക് കോവിഡ് വന്നാല് ആ വീട്ടിലെ എല്ലാവര്ക്കും കോവിഡ് വരുന്ന അവസ്ഥയാണുള്ളത്. ഹോം ക്വാറന്റൈന് വ്യവസ്ഥകള് കൃത്യമായി പാലിക്കാത്തതിനാലാണ് ഇത് സംഭവിക്കുന്നത്. വീട്ടില് സൗകര്യമുള്ളവര് മാത്രമേ ഹോം ക്വാറന്റൈനില് കഴിയാവൂ. അല്ലാത്തവര്ക്ക് ഇപ്പോഴും ഡിസിസികള് ലഭ്യമാണ്. ഹോം ക്വാറന്റൈനില് കഴിയുന്നവര് മുറിയില് നിന്നും പുറത്തിറങ്ങരുത്. വീട്ടിലുള്ള എല്ലാവരും മാസ്ക് ധരിക്കണം. രോഗി ഉപയോഗിച്ച പാത്രങ്ങളോ സാധനങ്ങളോ മറ്റാരും ഉപയോഗിക്കരുത്. ഇടയ്ക്കിടയ്ക്ക് കൈകള് സോപ്പുപയോഗിച്ച് കഴുകേണ്ടതാണ്. ഓരോ വീട്ടിലും കോവിഡ് എത്താതിരിക്കാന് എല്ലാവരും ശ്രദ്ധിക്കേണ്ടതാണെന്നും മന്ത്രി വ്യക്തമാക്കി.
