അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഷൊർണൂർ: ട്രെയിനിൽ നിന്ന് തെറിച്ച് വീണ് പാലക്കാട് സ്വദേശിയായ യുവാവ് മരിച്ചു. പാലക്കാട് ആലത്തൂര്‍ വടക്കഞ്ചേരിയിലെ ജോയി ജോസഫിന്റെ മകന്‍ ഷിജോ ജോയി (33) ആണ് മരിച്ചത്. കാഞ്ഞങ്ങാട് ഇഖ്ബാല്‍ ഗെയിറ്റിനു സമീപത്ത് വെച്ച് ഇന്ന് രാവിലെ എട്ടോടെയാണ് അപകടം.
മുംബൈയിലെ സ്വകാര്യ ആശുപത്രിയില്‍ നഴ്‌സായ ഷിജോ മുംബൈയില്‍ നിന്ന് നാട്ടിലേക്ക് വരുന്നതിനിടയിലാണ് അപകടം സംഭവിച്ചത്. നേത്രാവതി എക്‌സ്പ്രസിന്റെ വാതില്‍പ്പടിയില്‍ നിന്നും അബദ്ധത്തില്‍ തെറിച്ചു വീഴുകയായിരുന്നുവെന്ന് സംശയിക്കുന്നു.
തീവണ്ടിയില്‍ നിന്ന് ഒരാള്‍ വിഴുന്നത് ശ്രദ്ധയില്‍പ്പെട്ട പരിസരവാസികള്‍ ഹോസ്ദുര്‍ഗ് പോലിസിനെ വിവരമറിയിച്ചതിനെ തുടര്‍ന്ന് ആംബുലന്‍സ് എത്തി ജില്ലാശുപത്രിയില്‍ എത്തിച്ചെങ്കിലും മരണപ്പെട്ടിരുന്നു. അവിവാഹിതനാണ്.
