വ്യായാമങ്ങളിലൂടെ കാൽമുട്ടിന്റെ വേദന അകറ്റാം

കാൽമുട്ട് വേദന ഒരു സാധാരണ പ്രശ്നമാണ്. ശ്രെധിച്ചില്ലെങ്കിൽ ഇത് കാൽമുട്ടിന്റെ സന്ധികളെ തകരാറിലാക്കും. നടക്കുവാനും നീങ്ങുവാനുമെല്ലാം നമ്മെ സഹായിക്കുന്ന ഏറ്റവും പ്രധാനപ്പെട്ട സന്ധികളിൽ ഒന്നാണ് കാൽമുട്ടിലെ സന്ധി. പ്രശ്നം പരിഹരിക്കുന്നതിന് കാൽമുട്ടിന്റെ ചലനങ്ങൾ വർദ്ധിപ്പിക്കുന്നതിനു പകരം, മിക്ക ആളുകളും കാൽമുട്ട് പ്രവർത്തിപ്പിക്കുന്നത് നിർത്തുന്നു. ഇത്തരം പ്രവൃത്തി ചലനശേഷി നഷ്‌ടപ്പെടാനുള്ള സാധ്യത കുറക്കുന്നു.

കാൽമുട്ടുകൾ ശക്തിപ്പെടുത്തുന്നതിന് ദിനചര്യയുടെ ഭാഗമായി 10 വ്യായാമങ്ങൾ ചെയ്യുക.

സ്ക്വാട്ട്

സ്ക്വാട്ട് എന്ന വ്യായാമ മുറയിലൂടെ തുടയിലെ പേശികൾ, നിതംബം, പിൻതുട ഞെരമ്പുകൾ എന്നിവ ലക്ഷ്യമിടുന്നു. എല്ലാ ദിവസവും സ്ക്വാട്ട് ചെയ്യുന്നത് കാൽമുട്ട് വേദനയിൽ നിന്ന് മുക്തി നേടാനും കാൽമുട്ടുകൾ ശക്തിപ്പെടുത്താനും വഴക്കം മെച്ചപ്പെടുത്താനും സഹായിക്കുന്നു. ഈ വ്യായാമം ശരിയായ രീതിയിൽ ചെയ്യുന്നതിലൂടെ മികച്ച ഫലങ്ങൾ നേടാൻ കഴിയും, എന്നാൽ ഏതെങ്കിലും തരത്തിലുള്ള തെറ്റായ ചലനം ഗുണത്തെക്കാൾ കൂടുതൽ ദോഷം ചെയ്യും.

ലഞ്ചസ് വ്യായാമം

തുടയിലെ പേശികൾ, പിൻതുട, ഇടുപ്പ്, കാൽമുട്ടുകൾ എന്നിവ ശക്തിപ്പെടുത്തുന്നതിന് ലഞ്ചസ് വ്യായാമം നല്ലതാണ്. അതുവഴി ശരീരത്തിന്റെ സന്തുലിതാവസ്ഥയും മെച്ചപ്പെടും. പേശികൾ ശക്തമാകുമ്പോൾ കാൽമുട്ടുകൾ നന്നായി അനുഭവപ്പെടും. പുറത്തേക്ക് കറങ്ങുന്ന ലഞ്ചും അകത്തേക്ക് കറങ്ങുന്ന ലഞ്ചും ചെയ്യാം.

നീ റോൾ വ്യായാമം

നിതംബ പേശികൾ, പിൻതുട ഞെരമ്പുകൾ, തുടയിലെ പേശികൾ, കാൽമുട്ടുകൾ എന്നിവയിലാണ് നീ റോൾ വ്യായാമം പ്രവർത്തിക്കുന്നത്. നിങ്ങളുടെ നടുവും നടുവിന്റെ കീഴ്പ്പോട്ടും വലിച്ചുനീട്ടാനുള്ള ഒരു എളുപ്പ മാർഗമാണിത്. ഇതിനൊപ്പം നട്ടെല്ലിനും ഇത് മികച്ച ചലനശേഷി നൽകുന്നു.

ലെഗ് റൈസ്

സ്‌ട്രെയിറ്റ് ലെഗ് ലിഫ്റ്റ്, സ്‌ട്രെയിറ്റ് ലെഗ് റൈസ്, എന്നിങ്ങനെ വിവിധ രീതികളിൽ ലെഗ് റൈസ് വ്യായാമം സഹായിക്കും. പിൻതുട ഞെരമ്പുകൾ, തുടയിലെ പേശികൾ, കാൽമുട്ടിന് കീഴെയുള്ള പേശികൾ എന്നിവ ശക്തിപ്പെടുത്തുകയും കാൽമുട്ടിന്മേൽ സമ്മർദ്ദം ചെലുത്തുകയും ചെയ്യുന്ന ശക്തമായ ഒരു വ്യായാമമാണിത്. ശരീരഭാരം കുറയ്ക്കാനും ഇത് സഹായിക്കുന്നു.

ഹിപ് അബ്‌ഡക്ഷൻ

ഹിപ് അബ്‌ഡക്ഷൻ അല്ലെങ്കിൽ സൈഡ് ലെഗ് നിങ്ങളുടെ ഇടുപ്പിന് പുറത്ത് സ്ഥിതിചെയ്യുന്ന പേശികൾക്ക് വ്യായാമം നൽകുന്നു. പേശികളുടെ പ്രകടനം മെച്ചപ്പെടുത്തുന്നതിനും കാൽമുട്ടുകളിൽ വേദന കുറയ്ക്കുന്നതിനും അവ മികച്ചതാണ്. കൂടാതെ, ഇടുപ്പ് നല്ല രീതിയിൽ ചലിപ്പിക്കുവാനും ബാഹ്യ ഭ്രമണത്തിലും അവ സഹായിക്കുന്നു.

ഗ്ലൂട്ട് ബ്രിഡ്ജ്

ഗ്ലൂട്ട് ബ്രിഡ്ജ് വ്യായാമം പതിവാക്കിയാൽ നിങ്ങളുടെ കാൽമുട്ടുകൾ ശക്തമായി നിലനിർത്താൻ സഹായിക്കും. ഇടുപ്പ്, നിതംബം, നിങ്ങളുടെ വയറിലെ പേശികൾ എന്നിവ ശക്തിപ്പെടുത്താനും ഇത് സഹായിക്കും. ൾഇത് നിങ്ങളുടെ നടുവിന്റെ താഴ്ഭാഗത്ത് പ്രവർത്തിക്കുകയും സ്ഥിരതയെ പ്രോത്സാഹിപ്പിക്കുകയും പടികൾ കയറുന്നത് നിങ്ങൾക്ക് എളുപ്പമാക്കുകയും ചെയ്യുന്നു.

കാഫ് റൈസസ്

കാഫ് റൈസസ് നിങ്ങളുടെ കാൽമുട്ടിന് താഴെ പുറകിലെ പേശികൾക്കും കാൽമുട്ടുകൾക്കും കണങ്കാലുകൾക്കും ഒരേ സമയം ഗുണം ചെയ്യും. ഈ വ്യായാമം സന്തുലിതാവസ്ഥയും സ്ഥിരതയും പ്രോത്സാഹിപ്പിക്കുന്നതിന് ഫലപ്രദമാണെന്ന് അറിയപ്പെടുന്നു.

ഹാംസ്ട്രിംഗ് കേൾസ്

ഹാംസ്ട്രിംഗ് കേൾസ് വ്യായാമം കാൽമുട്ടിന്റെ സന്ധികൾ ശക്തിപ്പെടുത്തുകയും നിതംബ പേശികൾക്ക് പ്രവർത്തിക്കുകയും ചെയ്യുന്നു. കൂടാതെ, കാൽമുട്ടിന് പരിക്കേൽക്കുന്നത് തടയാൻ അവ സഹായകരമാണെന്ന് തെളിയിക്കപ്പെട്ടിട്ടുണ്ട്.

ബട്ടക്ക് കിക്‌സ്

ബട്ടക്ക് കിക്‌സ് ഒരേസമയം ചെയ്യാൻ എളുപ്പവും ഫലപ്രദവുമാണ്. കാൽമുട്ടുകൾക്ക് ബുദ്ധിമുട്ട് ഉണ്ടാക്കാതെ തന്നെ, ഇത് കാൽമുട്ടിന്റെ ശക്തി വർദ്ധിപ്പിക്കുവാൻ പ്രോത്സാഹിപ്പിക്കുകയും രക്തചംക്രമണം മെച്ചപ്പെടുത്തുകയും വേഗത്തിൽ ഓടാൻ സഹായിക്കുകയും ചെയ്യുന്നു. കിടന്നുകൊണ്ടോ നിന്നുകൊണ്ടോ ഇത് ചെയ്യാവുന്നതാണ്.

ചെയർ ഡിപ്പ്

ഈ വ്യായാമത്തിൽ പിൻതുട ഞെരമ്പുകൾ, തുടയിലെ പേശികൾ, ഇടുപ്പ്, നിതംബ പേശികൾ എന്നിവ ഉൾപ്പെടുന്നു.

ചെയർ ഡിപ്പ് കാൽമുട്ടുകളിൽ വഴക്കം വർദ്ധിപ്പിക്കാൻ സഹായിക്കുന്നു, അവ അനക്കാതെ തന്നെ ശക്തമാക്കുകയും ചെയ്യുന്നു.ഈ പത്ത് വ്യായാമങ്ങൾ ചെയ്യുക വഴി കാൽമുട്ടുകളിൽ എങ്ങനെ പ്രവർത്തിക്കുമെന്ന് പതിയെ മനസ്സിലാക്കുവാൻ സാധിക്കും.