അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിങ്ങള്‍ ഉടൻ തന്നെ യു‌എഇയിലേക്കോ അവിടെ നിന്ന് മറ്റു രാജ്യങ്ങളിലേക്കോ യാത്ര ചെയ്യുകയാണോ? ദുബായ്, അബുദാബി, ഷാർജ വിമാനത്താവളങ്ങളിലെ മാർഗ്ഗനിർദ്ദേശങ്ങൾ ഇവയാണ്.
ദുബായ് വിമാനത്താവളത്തിലെ യാത്രക്കാര്‍ക്കുള്ള മാർഗ്ഗനിർദ്ദേശങ്ങൾ
1. ദുബായ് വിസ ഉടമകൾക്ക് ജിഡിആർഎഫ്എ അനുമതി ആവശ്യമാണ്. ജിഡിആർഎഫ്എ അംഗീകാരത്തിനായി അപേക്ഷിക്കുന്നതിന്, സന്ദർശിക്കുക: https://smart.gdrfad.gov.ae/Smart_OTCServicesPortal/ReturnPermitService.aspx
2. നിങ്ങൾ യു‌എഇയിലേക്ക് മടങ്ങാന്‍ ആഗ്രഹിക്കുകയും, ദുബായ്ക്ക് പുറമെ മറ്റേതെങ്കിലും എമിറേറ്റുകളാണ്‌ നിങ്ങള്‍ക്ക് വിസ നൽകുകയും ചെയ്തതെങ്കിൽ, നിങ്ങൾ ഒരു ഐസി‌എ അംഗീകാരത്തിനായി അപേക്ഷിക്കേണ്ടതുണ്ട്. ഐസി‌എ അംഗീകാരത്തിനായി അപേക്ഷിക്കുന്നതിന്, സന്ദർശിക്കുക: uaeentry.ica.gov.ae
3. വിദേശത്ത് നിന്ന് ദുബായിലേക്ക് മടങ്ങുന്നവര്‍ പുറപ്പെടുന്നതിന് മുമ്പ് പിസിആർ പരിശോധന നടത്തേണ്ടതില്ല. ദുബായിലെത്തുമ്പോൾ അവർക്ക് പിസിആർ പരിശോധന നടത്തേണ്ടിവരും. ദുബൈയിലെ സുപ്രീം കമ്മിറ്റി ഓഫ് ക്രൈസിസ് ആൻഡ് ഡിസാസ്റ്റർ മാനേജ്മെന്റാണ് ഇക്കാര്യം അറിയിച്ചത്.
എല്ലാ താമസക്കാർക്കും ഇന്‍ബൌണ്ട് ടൂറിസ്റ്റുകൾക്കും ദുബായിലേക്ക് പുറപ്പെടുന്നതിന് മുമ്പ് പിസിആർ പരിശോധന നടത്തേണ്ടിവരും. ചില രാജ്യങ്ങളിൽ നിന്നുള്ള ട്രാൻസിറ്റ് യാത്രക്കാർ ദുബായിലേക്ക് പുറപ്പെടുന്നതിന് മുമ്പ് പിസിആർ പരിശോധന നടത്തേണ്ടതുണ്ട്.
നിങ്ങൾ ദുബായിൽ നിന്ന് യാത്ര ചെയ്യുന്ന രാജ്യത്തെ ആശ്രയിച്ചായിരിക്കും, നിങ്ങൾ കോവിഡ് പരിശോധനയ്ക്ക് വിധേയരാകേണ്ടതുണ്ടോ എന്ന് തീരുമാനിക്കുന്നത്.
യാത്രക്കാര്‍ എത്തിച്ചേരാന്‍ ആഗ്രഹിക്കുന്ന രാജ്യത്തിന് പ്രീ ട്രാവൽ നെഗറ്റീവ് ടെസ്റ്റ് സർട്ടിഫിക്കറ്റ് ആവശ്യമുണ്ടെങ്കിൽ, പുറപ്പെടുന്നതിന് മുമ്പ് എമിറാറ്റികളും ദുബായിൽ നിന്ന് വിദേശത്തേക്ക് പോകുന്ന വിനോദ സഞ്ചാരികളും പിസിആർ പരിശോധനയ്ക്ക് വിധേയരാകേണ്ടതുണ്ട്.
ഏതെങ്കിലും യാത്രയ്ക്ക് മുമ്പായി പുതിയ മാർഗ്ഗനിർദ്ദേശങ്ങൾ അറിയുന്നതിന് നിങ്ങൾ യാത്ര ചെയ്യാൻ ഉദ്ദേശിക്കുന്ന എയർലൈൻസിലേക്ക് ബന്ധപ്പെടുക.
അബുദാബി വിമാനത്താവളത്തിലെ യാത്രക്കാർക്കുള്ള മാർഗ്ഗനിർദ്ദേശങ്ങൾ
അബുദാബിയിലേക്കും പുറത്തേക്കും യാത്ര ചെയ്യുമ്പോൾ യാത്രക്കാർ പാലിക്കേണ്ട വിശദമായ ഒരു മാര്‍ഗനിര്‍ദേശങ്ങള്‍ ഇത്തിഹാദ് എയർവേസ് നൽകി.
1. നിങ്ങളുടെ എൻ‌ട്രി നില പരിശോധിക്കുക
നിങ്ങൾ ഒരു യുഎഇ നിവാസിയാണെങ്കിൽ, uaeentry.ica.gov.ae സന്ദർശിക്കുക
2. നിങ്ങളുടെ ഫ്ലൈറ്റ് ബുക്ക് ചെയ്യുക
3. നിങ്ങള്‍ യാത്ര ചെയ്യുന്നതിന് 96 മണിക്കൂർ മുമ്പ് ഏതെങ്കിലും സർക്കാർ അംഗീകൃത മെഡിക്കൽ ഫെസിലിറ്റിയില്‍ നിന്നും പിസിആര്‍ ടെസ്റ്റ് നടത്തുക.
4. നിങ്ങള്‍ യാത്രാ ചെയ്യുന്ന എയർലൈനിൽ നിന്നുള്ള ഏറ്റവും പുതിയ മാര്‍ഗനിര്‍ദേശങ്ങള്‍ പരിശോധിക്കുക
5. നിങ്ങളുടെ പാസ്‌പോർട്ടും വിസയും ഫോട്ടോകോപ്പി ചെയ്യുക
6. വിമാനത്താവളത്തിൽ പിസിആർ പരിശോധനയ്ക്ക് വിധേയമാകുക
7. ALHOSN അപ്ലിക്കേഷൻ ഡൗൺലോഡുചെയ്യുക
8. 14 ദിവസത്തേക്ക് നിരീക്ഷണത്തില്‍ കഴിയുക
ഷാര്‍ജ വിമാനത്താവളത്തിലെ യാത്രക്കാർക്കുള്ള മാർഗ്ഗനിർദ്ദേശങ്ങൾ
എയർപോർട്ട് അതോറിറ്റിയുടെ നിര്‍ദേശ പ്രകാരം ഷാർജ വിമാനത്താവളം വഴി ഷാര്‍ജയിലേക്കും മറ്റു രാജ്യങ്ങളിലേക്കും യാത്ര സാധ്യമാണ്. യാത്രക്കാർ അവരുടെ യാത്ര ആസൂത്രണം ചെയ്യുന്നതിന് മുമ്പായി തങ്ങള്‍ എത്തിച്ചേരാന്‍ ആഗ്രഹിക്കുന്ന രാജ്യങ്ങളിലെ കോവിഡ് അവസ്ഥയും പരിഗണിക്കേണ്ടതുണ്ട്.
1. ഷാർജ വിമാനത്താവളത്തിലെത്തുന്ന എല്ലാ യാത്രക്കാരും 96 മണിക്കൂറിനുള്ളിൽ പിസിആർ പരിശോധനയ്ക്ക് വിധേയരാകേണ്ടതുണ്ട്. പരിശോധനാ ഫലം നെഗറ്റീവ് ആവുകയും വേണം.
വിമാനത്താവളത്തിൽ പരിശോധന ആവർത്തിക്കും. എല്ലാ യാത്രക്കാരും വിമാനത്താവളത്തിൽ മറ്റൊരു പിസിആർ പരിശോധനയ്ക്ക് വിധേയരാകും.
ഷാർജ വിമാനത്താവളത്തിൽ നിന്ന് മറ്റൊരു രാജ്യത്തേക്ക് പോകുന്ന വ്യക്തികൾക്ക് രാജ്യത്തിന്റെ ആരോഗ്യ ആവശ്യങ്ങൾ പാലിക്കുകയും രാജ്യത്തിന് ആവശ്യമെങ്കിൽ പിസിആർ പരിശോധന നടത്തുകയും ചെയ്യേണ്ടതുണ്ടെന്ന് ഷാർജ വിമാനത്താവളത്തിന്റെ ഔദ്യോഗിക ട്വിറ്റർ അക്കൗണ്ടില്‍ പറയുന്നു.
ഷാർജ വിമാനത്താവളത്തിൽ എത്തുമ്പോൾ അവര്‍ പിസിആർ പരിശോധനയ്ക്കും വിധേയരാകും.
2. എല്ലാ വിനോദസഞ്ചാരികളും താമസക്കാരും പിസിആർ പരിശോധനയുടെ ഫലം വരുന്നതുവരെ ചികിത്സയുടെയും ഐസൊലേഷന്റെയും എല്ലാ ചെലവുകളും ഉൾക്കൊള്ളുന്ന മതിയായ ആരോഗ്യ ഇൻ‌ഷുറൻ‌സ് ഉണ്ടെന്നു ഉറപ്പുവരുത്തണം.
3. ഷാർജ, റാസ് അൽ ഖൈമ, അബുദാബി വിമാനത്താവളങ്ങളിൽ നിന്ന് പ്രവർത്തിക്കുന്ന എയർ അറേബ്യ, അബുദാബിയിലോ അൽ ഐനിലോ വിസ നൽകിയിട്ടുള്ള താമസക്കാർക്ക് ഐസി‌എ അംഗീകാരം ആവശ്യമാണെന്ന് പ്രഖ്യാപിച്ചു.
അബുദാബി അല്ലെങ്കിൽ അൽ ഐൻ നൽകിയ റസിഡൻസ് വിസയുള്ള യാത്രക്കാർ യുഎഇ പ്രവേശനത്തിനായി ഐസി‌എ വെബ്സൈറ്റ് സന്ദർശിക്കണം.
4. രാജ്യത്തിലേക്ക് വരുന്ന എല്ലാ യാത്രക്കാരും അവരുടെ പിസിആർ ടെസ്റ്റുകളുടെ ഫലങ്ങൾ ലഭ്യമാകുന്നതുവരെ അവരുടെ വസതിയിൽ സ്വയം നിരീക്ഷണത്തില്‍ കഴിയണം.
വിമാനത്താവളത്തിലെ പരിശോധന നെഗറ്റീവ് ഫലം കാണിക്കുന്നുണ്ടെങ്കിൽ ക്വാറന്റെന്‍ നിർബന്ധമില്ല.
ഫലം പോസിറ്റീവ് ആണെങ്കിൽ, യുഎഇ ആരോഗ്യ-പ്രതിരോധ മന്ത്രാലയം (MOHAP) നിശ്ചയിച്ചിട്ടുള്ള ഒരു കാലയളവ് വരെ ബന്ധപ്പെട്ട യാത്രക്കാർ ക്വാറന്റെനില്‍ കഴിയേണ്ടി വരും.
പോസിറ്റീവ് ഫലം വന്നാല്‍ ചികിത്സയുടെയും ഐസൊലേഷന്റെയും ചെലവുകൾ യാത്രക്കാരോ അവരുടെ സ്പോൺസർമാരോ വഹിക്കേണ്ടതുണ്ട്.
5. യുഎഇയുടെ ആരോഗ്യ അധികൃതർ ആരംഭിച്ച ALHOSN അപ്ലിക്കേഷൻ എല്ലാ യാത്രക്കാരും ഡൌൺലോഡ് ചെയ്യേണ്ടതുണ്ട്.
