അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.കൊല്ലം: കൊല്ലം ജില്ലയിലെ കരുനാഗപ്പള്ളിയില്‍ കോവിഡ് നിരീക്ഷണത്തിലിരുന്നയാള്‍ ആത്മഹത്യ ചെയ്തു. കരുനാഗപ്പള്ളി പുള്ളിമാന്‍ സ്വദേശി സലിം ഷഹനാദ് (31) ആണ് മരിച്ചത്. ഇയാളുടെ പരിശോധനാഫലം നെഗറ്റീവായിരുന്നു.
കഴിഞ്ഞ മാസം 28നാണ് സലിം ഷഹനാദ് ദുബൈയില്‍ നിന്ന് നാട്ടിലെത്തിയത്. നിരീക്ഷണത്തിലിരിക്കെ കോവിഡ് ടെസ്റ്റില്‍ നെഗറ്റീവാണെന്ന് ഫലം ലഭിച്ചു. തുടര്‍ന്ന് രണ്ടാംഘട്ട നിരീക്ഷണത്തിലായിരുന്നു. ഇതിനിടെയാണ് ഇന്നലെ തൂങ്ങിമരിച്ച നിലയില്‍ കണ്ടെത്തിയത്. കോവിഡുമായി ബന്ധമില്ലെന്നും കുടുംബപരമായ പ്രശ്‌നങ്ങളാണ് ആത്മഹത്യക്ക് കാരണമെന്നുമാണ് പൊലീസിന്റെ നിഗമനം.
