അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.പാലക്കാട്: ഉത്സവ എഴുന്നള്ളത്തിന് ആനയെ ലോറിയിൽനിന്ന് ഇറക്കാനുള്ള ശ്രമത്തിനിടെ, ആനയുടെയും ലോറിയിൽ സ്ഥാപിച്ച ഇരുമ്പ് കമ്പിയുടെയും ഇടയിൽപെട്ട് ഒന്നാം പാപ്പാനു ദാരുണാന്ത്യം.
കുനിശ്ശേരി കൂട്ടാല സ്വദേശി ദേവൻ ആണ് മരിച്ചത്.
മേലാർകോട് കമ്പോളത്തിനു സമീപം ഇന്ന് വൈകിട്ടു നാലുമണിയോടെയാണ് അപകടം സംഭവിച്ചത്. ആനയെ ഇറക്കുന്നതിനായി ദേവൻ മുന്നിലെത്തി പുറത്തേക്ക് തള്ളിയപ്പോൾ ആന മുന്നോട്ട് നീങ്ങുകയായിരുന്നു. \
ഇതോടെ ഇരുമ്പു ബാറിനും ആനയ്ക്കുമിടയിൽ കുടുങ്ങിയ ദേവന് ഗുരുതരമായി പരിക്കേറ്റു. ഉടനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.
