അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.മനാമ: ബഹ്‌റൈനിൽ കനത്ത മഴയും വെള്ളക്കെട്ടും. മഴ ശക്തമായതിനെ തുടർന്ന് രാജ്യത്തെ റോഡുകളെല്ലാം വെള്ളത്തിൽ മുങ്ങിക്കിടക്കുന്ന സാഹചര്യത്തിൽ ബഹ്‌റൈനിൽ അധികൃതർ ഗതാഗത നിയന്ത്രണമേർപ്പെടുത്തിയിരിക്കുകയാണ്.
ശൈഖ് ഖലീഫ ബിൻ സൽമാൻ സ്ട്രീറ്റ് റൗണ്ട് എബൗട്ട് ടണൽ 6-14, ബുരി ടണൽ, അൽ-ഖത്തേ സ്ട്രീറ്റ് ടണൽ, ശൈഖ് സൽമാൻ സ്ട്രീറ്റ്, ഇസാ ടൗൺ ഗേറ്റ് ടണൽ, എൽ.എസ്.എ ടൗൺ ഗേറ്റ് ടണൽ എന്നിവിടങ്ങളിലെല്ലാം മഴവെള്ളം കെട്ടിക്കിടക്കുന്നുണ്ടെന്നാണ് അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്യുന്നത്.
റോഡിലെ വെള്ളക്കെട്ടിലെ അധികൃതർ വെള്ളക്കെട്ട് ഒഴിവാക്കാനുള്ള പരിശ്രമത്തിലാണ്. ജനങ്ങൾ ട്രാഫിക് പൊലീസിന്റെ നിർദേശങ്ങൾ പാലിക്കാൻ എല്ലാവരും ശ്രദ്ധിക്കണമെന്നാണ് അധികൃതർ ആഹ്വാനം ചെയ്തിരിക്കുന്നത്. റോഡുകളെല്ലാം വെള്ളത്തിൽ മുങ്ങിക്കിടക്കുന്നതിനാൽ ഡ്രൈവിങ്ങിൽ അതീവ ജാഗ്രത പുലർത്തണമെന്ന് ഗതാഗത വകുപ്പ് മുന്നറിയിപ്പ് നൽകി. ഡ്രൈവ് ചെയ്യുന്ന സമയത്ത് ഫോൺ ഉപയോഗിക്കരുത്, വേഗത കുറച്ച് വാഹനങ്ങൾ ഓടിക്കുക, മറ്റു വാഹനങ്ങളുമായി സുരക്ഷാ ദൂരം പുലർത്തുക, ലെയ്ൻ ട്രാഫിക് കർശനമായി പാലിക്കുക തുടങ്ങയ നിർദ്ദേശങ്ങളും പോലീസ് മുന്നോട്ടുവെച്ചിട്ടുണ്ട്.
ശക്തമായ കാറ്റ് പ്രതീക്ഷിക്കുന്നതിനാൽ കടലിൽ പോകരുതെന്ന് കോസ്റ്റ് ഗാർഡും മുന്നറിയിപ്പ് നൽകിയിട്ടുണ്ട്. കടലിൽ കുളിക്കുന്നതും മത്സ്യബന്ധനവും വിലക്കിയിട്ടുണ്ട്. കനത്ത മഴയുടെ സാഹചര്യത്തിൽ പ്രധാന റോഡുകളിൽ സഹായം വേണ്ടിവന്നാൽ ബന്ധപ്പെടേണ്ട നമ്പറും അധികൃതർ പങ്കുവെച്ചു. ഇത്തരം സാഹചര്യങ്ങളിൽ 17545544 നമ്പറിലാണ് വിളിക്കേണ്ടത്. ഇടറോഡുകളിലാണെങ്കിൽ 80008188 നമ്പറിലും വൈദ്യുതി തകരാർ സംബന്ധമായ പ്രശ്‌നങ്ങൾക്ക് 17515555 എമർജൻസി നമ്പറിലും വിളിക്കണം.
