അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.ഡ്രൈവിംഗ് ടെസ്റ്റ് അടിമുടി മാറുന്നു എന്ന്പറഞ്ഞിട്ട് ഇപ്പോൾ ടെസ്റ്റിനുള്ള തീയതി പോലും കിട്ടാനില്ലാത്ത അവസ്ഥ .ലെർണേഴ്‌സ് എഴുതി നൂറുകണക്കിന് ആളുകൾ ആണ് ഗ്രൗണ്ട് ടെസ്റ്റിന് വേണ്ടി കാത്തിരിക്കുന്നത് എന്നാൽ തീയതി കിട്ടുന്നില്ല.ഇതേ തുടർന്ന് ഇന്നലെ അപേക്ഷകർ കാക്കനാട് ആർടി ഓഫിസിലെത്തി പ്രതിഷേധിച്ചത് .ജോയിന്റ് ആർടിഒ കെ.ആർ.സുരേഷിന്റെ ചേംബറിലേക്ക് കൂട്ടത്തോടെ കയറിയ അപേക്ഷകർ തങ്ങളുടെ പ്രശ്നം പരിഹരിക്കണമെന്നാവശ്യപ്പെട്ടു. ദിവസങ്ങൾ ശ്രമിച്ച ശേഷമാണ് തീയതി കിട്ടിയതെന്നും അതു റദ്ദാക്കിയതു ന്യായമല്ലെന്നും അപേക്ഷകർ വാദിച്ചു.നേരത്തെ ലഭിച്ച തീയതി പുനഃസ്ഥാപിച്ചു ഡ്രൈവിങ് ടെസ്റ്റ് നടത്തണമെന്നായിരുന്നു അപേക്ഷകരുടെ ആവശ്യം.
അതേസമയം ആർടിഒ തലത്തിൽ പരിഹരിക്കാവുന്ന പ്രശ്നമല്ലെന്ന മറുപടിയാണ് ജോയിന്റ് ആർടിഒ നൽകിയത്. സംസ്ഥാന തലത്തിൽ നടപ്പാക്കിയ പരിഷ്കാരമാണ്. അപേക്ഷകരുടെ പരാതി മുകളിലേക്ക് അറിയിക്കാമെന്ന് അദ്ദേഹം ഉറപ്പു നൽകിയതോടെയാണ് പ്രതിഷേധക്കാർ പിരിഞ്ഞു പോയത്. അപേക്ഷകർക്ക് തീയതി കിട്ടാതായതോടെ ഡ്രൈവിങ് സ്കൂളുകാരും പ്രതിസന്ധിയിലാണ്. പല അപേക്ഷകരും സ്കൂളിലെത്തിയും പരാതി പറയുന്നുണ്ട്.ഡ്രൈവിങ് ടെസ്റ്റിന് പുതിയ തീയതി എടുക്കാൻ ശ്രമിച്ചിട്ടും ലഭിക്കുന്നില്ലെന്ന് പരാതി. എറണാകുളം ആർടിഒയുടെ പരിധിയിൽ നിത്യേനെ 20–25 പേർക്കു മാത്രമാണ് തീയതി ലഭിക്കുന്നത്. അതും ജൂൺ അവസാനം വരെ പൂർത്തിയായി കഴിഞ്ഞു. ഡ്രൈവിങ് ലേണേഴ്സ് പരീക്ഷ വിജയിച്ചവർ വാഹനമോടിച്ചു കാട്ടുന്ന ഡ്രൈവിങ് ടെസ്റ്റിനായി മാസങ്ങൾ കാത്തുനിൽക്കേണ്ട സ്ഥിതിയാണ്. 20 പേരെ മാത്രം ഡ്രൈവിങ് ടെസ്റ്റിനു വിധേയരാക്കിയാൽ മതിയെന്നാണ് ട്രാൻസ്പോർട് കമ്മിഷണറുടെ നിർദേശം. നേരത്തെ പരാജയപ്പെട്ട 10 പേരെയും പരിഗണിക്കും. നിത്യേനെ 100–120 പേരെ ഡ്രൈവിങ് ടെസ്റ്റ് നടത്തിയിരുന്നിടത്താണ് എണ്ണം നാലിലൊന്നായി വെട്ടിക്കുറച്ചത്. അടുത്തമാസം ഗ്രൗണ്ട് ടെസ്റ്റ് മാറ്റി പുതിയ പരിഷ്‌കാരങ്ങൾ കൊണ്ട് വരും എന്നായിരുന്നു ഗതാഗത മന്ഥര പറഞ്ഞിരുന്നത്.
ടെസ്റ്റ് ഗ്രൌണ്ടിൽ കമ്പി കുത്തി റിബൺ എച്ചും റോഡിലെ ഡ്രൈവിംഗ് സ്‍കിൽ പരിശോധിക്കലുമാണ് നിലവിൽ സംസ്ഥാനത്തെ കാറുകളും മറ്റു ചെറിയ വാഹനങ്ങളും ഉൾപ്പെടുന്ന ലൈറ്റ് മോട്ടർ വാഹനങ്ങളുടെ ഡ്രൈവിംഗ് ടെസ്റ്റിന്റെ ഭാഗമായുള്ളത്. എന്നാൽ ഈ രീതി അടിമുടി മാറുകയാണ്. ഇനി മുതൽ ടാർ ചെയ്തോ കോൺക്രീറ്റ് ചെയ്തോ സ്ഥലമൊരുക്കിയ ശേഷം വരകളിലൂടെ വേണം ഡ്രൈവിംഗ് ടെസ്റ്റ് എന്നാണ് പുതിയ റിപ്പോര്‍ട്ടുകൾ. മേയ് ഒന്നു മുതൽ പുതിയ ഡ്രൈവിംഗ് ടെസ്റ്റ് രീതി നടപ്പാക്കാനുള്ള തയ്യാറെടുപ്പിലാണ് മോട്ടോർ വാഹനവകുപ്പ് ഇതിനിടയിൽ ആണ് ഡേറ്റ് കിട്ടാത്ത പ്രശ്നവും.ഇത്രകാലവും എച്ച് എഴുതുകയും റോഡ് ടെസ്റ്റിൽ വിജയിക്കുകയും മാത്രം ചെയ്‍താൽ മതിയായിരുന്നു. എന്നാൽ ഇനി മുതൽ ആംഗുലർ പാർക്കിങ് (വശം ചെരിഞ്ഞുള്ള പാർക്കിങ്), പാരലൽ പാർക്കിങ്, സിഗ് സാഗ് ഡ്രൈവിങ് (എസ് വളവു പോലെ) കയറ്റത്തു നിർത്തി പിന്നോട്ടു പോകാതെ മുൻപോട്ട് എടുക്കുക തുടങ്ങിയ മാറ്റങ്ങൾ ആണ്.
