അന്വേഷണം വാർത്തകൾ ലഭിക്കാന്‍ വാട്സാപ്പ് ഗ്രൂപ്പില്‍ ചേരൂ.നിത്യജീവിതത്തില്‍ പലവിധത്തിലുള്ള ആരോഗ്യപ്രശ്നങ്ങള്‍ നമ്മെ അലട്ടാം. ഇതില്‍ ഭൂരിഭാഗം പ്രശ്നങ്ങളും നമ്മുടെ ജീവിതരീതികള്‍ ആരോഗ്യകരമല്ല എന്ന ഒറ്റക്കാരണത്താല്‍ പിടിപെടുന്നത് ആയിരിക്കും. ഭക്ഷണം, ഉറക്കം, വ്യായാമം, സ്ട്രെസ് എന്നിങ്ങനെയുള്ള അടിസ്ഥാനപരമായ ഘടകങ്ങളെല്ലാം ആരോഗ്യകരമാണെന്ന് ഉറപ്പിച്ചാല്‍ ഒരളവ് വരെ ആരോഗ്യപ്രശ്നങ്ങളെയും അസുഖങ്ങളെയും പ്രതിരോധിക്കാൻ നമുക്ക് സാധിക്കും.
ഇത്തരത്തില്‍ നിത്യജീവിതത്തില്‍ സാധാരണയായി ആളുകള്‍ നേരിടുന്നൊരു ആരോഗ്യപ്രശ്നമാണ് ഗ്യാസും ദഹനക്കുറവും. ദഹനപ്രശ്നങ്ങളുള്ളവരിലും ദഹനവ്യവസ്ഥയുമായി ബന്ധപ്പെട്ട് എന്തെങ്കിലും അസുഖങ്ങളുള്ളവരിലുമെല്ലാം അമിതമായ ഗ്യാസ് എപ്പോഴും കാണുന്നതാണ്.
ഇതിന് പുറമെ ചില ഭക്ഷണ- പാനീയങ്ങള്‍, തെറ്റായ ഭക്ഷണക്രമം, വേഗതയില്‍ ഭക്ഷണം കഴിക്കുക, അധികമായി വായു അകത്തേക്ക് വലിച്ചെടുക്കുക, മലബന്ധം എന്നിങ്ങനെ പല പ്രശ്നങ്ങളും ഗ്യാസിലേക്ക് നയിക്കാം.
എന്തായാലും ഗ്യാസ് കയറി വയര്‍ വീര്‍ത്തിരിക്കുന്ന അവസ്ഥ ശാരീരികമായ ബുദ്ധിമുട്ടിന് മാത്രമല്ല, മാനസികപ്രയാസത്തിന് കൂടിയാണ് ഇടയാക്കുക. ഗ്യാസില്‍ നിന്ന് ആശ്വാസം കണ്ടെത്തുന്നതിനായി പലതിനെയും ആശ്രയിക്കുന്നവരുണ്ട്.
വളരെ എളുപ്പത്തില്‍ നമുക്ക് തയ്യാറാക്കി കുടിക്കാവുന്നൊരു ഹെല്‍ത്തി ഡ്രിങ്കിനെ കുറിച്ചാണിനി പങ്കുവയ്ക്കുന്നത്. ഗ്യാസ് കളയാനും വയറിന് സുഖം കിട്ടാനും, ഒപ്പം ദഹനം എളുപ്പത്തിലാക്കാനുമെല്ലാം ഈ പാനീയം സഹായിക്കും.
ഇഞ്ചി, പുതിനയില, പെരുഞ്ചീരകം, ജീരകം, അയമോദകം എന്നിവയാണ് ഈ പാനീയം തയ്യാറാക്കാൻ ആകെ ആവശ്യമായിട്ടുള്ള ചേരുവകള്‍. ഇതില്‍ പുതിനയില നിര്‍ബന്ധമില്ല. എടുക്കുകയാണെങ്കില്‍ ഫ്രഷ് തന്നെ വേണം. രണ്ടോ മൂന്നോ ഇല മതിയാകും.
പുതിനയിലയ്ക്ക് പുറമെ ഒരു ടേബിള്‍ സ്പൂണ്‍ പെരുഞ്ചീരകം, ഒടു ടീസ്പൂണ്‍ ജീരകം, ചെറിയൊരു കഷ്ണം ഇഞ്ചി ചതച്ചത് (ഇഞ്ചിയില്ലെങ്കില്‍ ഒരു നുള്ള് ചുക്ക് പൊടി ആകാം, അതായത് ഉണക്കിയ ഇഞ്ചിയുടെ പൊടി), ഒരു നുള്ള് അയമോദകം എന്നിങ്ങനെയാണ് എടുക്കേണ്ടത്.
അര ലിറ്റര്‍ വെള്ളത്തില്‍ പുതിനയില ഒഴികെ ബാക്കിയെല്ലാ ചേരുവകളും ചേര്‍ത്ത് അഞ്ച് മിനുറ്റോളം തിളപ്പിക്കണം. ശേഷം തീ ചെറുതാക്കിയും അഞ്ച് മിനുറ്റ് വയ്ക്കണം. ഇതുകഴിഞ്ഞ് വാങ്ങിവച്ച് പുതിനയിലയും ചേര്‍ത്ത് കഴിക്കാം. ഭക്ഷണം കഴിച്ച്, അരമണിക്കൂറിന് ശേഷം ഇത് കുടിക്കുന്നതാണ് നല്ലത്. ദിവസത്തില്‍ രണ്ടോ മൂന്നോ തവണ ഇത് കുടിക്കാവുന്നതാണ്.
ഗ്യാസിനെ ചെറുക്കാൻ
ഇഞ്ചി
വയര്‍ ചീര്‍ക്കല്‍, അസിഡിറ്റി, ഗ്യാസ് എന്നീ പ്രശ്‌നങ്ങള്‍ പരിഹരിക്കുന്നതിനായി ആദ്യം തന്നെ, ഒരു ചെറിയ കഷ്ണം ഇഞ്ചിയും അതുപോലെ ആവശ്യത്തിന് കല്ലുപ്പും ചേര്‍ത്ത് നന്നായി അരച്ച് ചെറിയ ഉരുളകളാക്കി ചവച്ചരയ്ക്കാതെ വിഴുങ്ങണം. ഇത്തരത്തില്‍ ചെയ്യുന്നത് വയറ്റിലെ ഗ്യാസ് വേഗത്തില്‍ തന്നെ ഇല്ലാതാക്കുന്നതിന് സഹായിക്കുന്നുണ്ട്. അതുപോലെ, ഇഞ്ചിയിട്ട് വെള്ളം തിളപ്പിച്ച് കുടിക്കുന്നതും നല്ലത് തന്നെയാണ്. വേഗത്തില്‍ വയറ്റില്‍ നിന്നും ഗ്യാസ് ഇല്ലാതാക്കാന്‍ നല്ലതാണ്.
വെളുത്തുള്ളി
വയറ്റില്‍ നിന്നും ഗ്യാസ് നീക്കം ചെയ്യാനും അതുപോലെ തന്നെ ദഹന പ്രശ്‌നങ്ങള്‍ വേഗത്തില്‍ കുറയ്ക്കാനും ഇഞ്ചി നല്ലതാണ്. ചിലര്‍ ഒട്ടുമിക്ക ആഹാരത്തിലും ഇഞ്ചി ചേര്‍ക്കുന്നത് കാണാം. കറികള്‍ക്ക് നല്ല സ്വാദ് നല്‍കുന്നതിനോടുകൂടെ തന്നെ നമ്മള്‍ കഴിച്ച ആഹാരം ദഹിക്കാനും ഇത് സഹായിക്കുന്നുണ്ട്.
വയറ്റില്‍ നിന്നും ഗ്യാസ് നീക്കം ചെയ്യുന്നതിനായി വെളുത്തുള്ളി തൊലി കളയാതെ ചുട്ടെടുത്ത് അതില്‍ നിന്നും തൊലി നീക്കി കഴിക്കുന്നത് നല്ലതാണ്. അല്ലെങ്കില്‍ വെളുത്തുള്ളി, കുറച്ച് ജീരകം, അതുപോലെ, ഒരു ചെറിയ കഷ്ണം ഇഞ്ചി എന്നിവ ചതച്ച് അത് കഴിക്കുന്നതും വേഗത്തില്‍ ഗ്യാസ് പോയികിട്ടാന്‍ സഹായിക്കുന്നതാണ്.
മോര്
വയറ്റില്‍ നിന്നും ഗ്യാസ് നീക്കം ചെയ്യാനും ദഹന പ്രശ്‌നങ്ങള്‍ കുറയ്ക്കാനും മോര് കഴിക്കുന്നത് നല്ലതാണ്. ഇത് വയറ്റിലെ അസിഡിറ്റിയെ ബാലന്‍സ് ചെയ്യാന്‍ സഹായിക്കുന്നു. അതുപോലെ തന്നെ, ദഹനം വേഗത്തിലാക്കുന്നതിനും മോര് വളരെയധികം സഹായിക്കുന്നുണ്ട്.
ദഹന പ്രശ്‌നങ്ങള്‍ കുറയ്ക്കുന്നതിനും അതുപോലെ, വയറ്റില്‍ നിന്നും ഗ്യാസിന്റെ ബുദ്ധിമുട്ട് നീക്കം ചെയ്യുന്നതിനും കുറച്ച് മോരില്‍ അയമോദകത്തിന്റെ പൊടി, മല്ലിയില, ഉപ്പ്, കുരുമുളക് പൊടി കുറച്ച് എന്നിവ ചേര്‍ത്ത് കുടിക്കാവുന്നതാണ്. ഇത് സത്യത്തില്‍ അസിറിറ്റി കുറയ്ക്കാന്‍ സഹായിക്കുന്നതാണ്. കുരുമുളക് അമിതമായി ചേര്‍ക്കരുത്. ചേര്‍ക്കണമെന്ന് നിര്‍ബന്ധവുമില്ല.
